artha ho gayA. paryAy svatantra pariNamatI hai, ab main kyA karun? aisA hI hone vAlA thA. aise nahIn. bhAvanA, usakI jignAsA Adi paryAy aisI pariNamatI hai. Upar-Upar nahIn pariNamatI. gnAyak ho gayA, jo sAdhakakI or muD gayA, usakI to sabhI paryAy sAdhanAkI or muDatI hai. amuk bAdhak ansh gauN hai, lekin sAdhanAkI or usakI paryAy hotI hai.
mumukShu- usakA kramabaddha achchhA hai.
samAdhAna- hAn, usakA kramabaddha hai. binA puruShArtha dRuShTi hI nahIn hai. kramabaddha hI hai, kyA karun? aisA karatA hai usakA kramabaddha (achchhA nahIn hai). jise puruShArthakI koI bhAvanA nahIn hai, bachAv kare ki kramabaddha hai, kyA karun? to usakA kramabaddha vaisA hai. puruShArtha honevAlA hogA, vah ye sUchit karatA hai, puruShArtha yAnI main kuchh karun. kuchh bal, koI parAkram karun, puruShArthamen vaisI dhvani aur aisA bhAv rahA hai. phir puruShArtha honevAlA hogA, usakA koI artha nahIn hai. vah to ek vastusthiti batAyI. terI bhAvanAmen to main mere puruShArthase, balase badalUn, isaprakAr terI bhAvanAmen to aise hI AnA chAhiye. bhAvanA badalUn, main palaTun, jo ekatvabuddhi ho rahI hai use badalUn. terI bhAvanAmen aisA AnA chAhiye ki main puruShArtha karun. to usake sAth kramabaddha juDA hI hai. un sabamen puruShArtha mukhya hai. kramabaddha, svabhAv, kAlalabdhi sabamen puruShArtha (hotA hai).
AtmArthIko, jise mokSha pragaT karanA hai, sukh pragaT karanA hai, AtmAkI svAnubhUti pragaT karanI hai, usakA vajan puruShArthakI or AnA chAhiye. to vah sAdhanAkI or muD sakatA hai. vastuko jAne ki main kisIkA kuchh nahIn kar sakatA. lekin main merI bhAvanA kar sakatA hUn. main mere dravyako pahachAnakar dravyakI or muD sakatA hUn, usamen main svatantra hUn.
AtmAmen kartAbuddhi chhuDAnekA unakA prayojan thA. tujhe dravyadRuShTi pragaT huyI to sab kramabaddha hotA hai. tU usakA kartA mat ban, gnAtA ho jA. aisA kahanA thA. dUsarA koI pUchhe to aisA hI kahate the, tujhe kramabaddha hI nahIn hai. tujhe gnAyakakI dRuShTi pragaT nahIn huyI. jo gnAtA huA use hI kramabaddha hai, aisA kahate the. aur koI kAlalabdhikA kuchh kahe to gurudevako vah pasanda nahIn thA, ye kAlalabdhikI bAt karatA hai, aisA kahate the.
jitane bhav bhagavAnane dekhe honge utane honge. gurudevako pasanda nahIn thA. sampradAyamen vah bAt unhen baiThatI hI nahIn thI. jitane bhav honevAle honge, aise puruShArtha rokanevAlI bAt nahIn karanI, aisA kahate the. isamen unakA kahanekA Ashay alag thA. kartAbuddhi chhuDAneko aur gnAyakatA pragaT karane hetu.