56

mumukShu- ... aur Apake mukh-se spaShTatA bhI bahut huyI. phir bhI bahubhAgako aisA lage ki karane jaisA hai vah saral bhAShAmen hamen samajhamen aisI koI bAt kahIe, to ham hamArA kAm kar sake.

samAdhAna- gurudevane bahut spaShTa aur saral karake batAyA hai. bahut sUkShmarUpase bhed kar-karake bahut spaShTa kiyA hai. kisIko kahIn koI bhUl rahe aisA (nahIn hai). barason tak vANI barasAyI hai. gurudevakA to apUrva upakAr hai. unakA upakAr to... usakI avejamen kuchh denA mahA asambhav hai. unakA upakAr to param upakAr hai.

gurudevane kahA hai ki ek Atmatattva chaitanyatattva bhinna hai use pahachAnanA. yah chaitanyatattva anAdiananta shAshvat hai. ananta janma-maraN karate-karate janma-maraN hue to bhI AtmA to jyonkA tyon shAshvat hI hai. vah AtmA kaise pahachAnanA, vah mArga gurudevane batAyA. sarva-se bhinna AtmA (hai). sharIr-se bhinna, vibhAvasvabhAv-vibhAvase bhinna, andar jo chaitanyatattva hai usakA svabhAv bhinna hai. vibhAv-se chaitanyakA svabhAv bhinna hai. use pahachAnanekA prayatna karanA aur vah koI apUrva aur anupam vastu hai. jagatamen koI anupam nahIn hai, ek AtmA hI anupam hai. us anupam tattvakI antaramen apUrvatA lage aur gurudevane aisI apUrva vANI barasAyI hai ki vah apUrva tattva ekadam grahaN ho jAya.

us apUrva tattvake liye ruchi, lagan, mahimA Adi sab karane jaisA hai. vah kaise pahachAnamen Aye usake liye. antar chaitanya par dRuShTi karake, guNake bhed, paryAyake bhed paDe lekin usamen nahIn rukakar, ek shAshvat chaitanya par dRuShTi karanI. sabakA gnAn rakhanA. gnAn AtmAmen-se pragaT hotA hai, samyagdarshan AtmAmen-se pragaT hotA hai, chAritra AtmAmen- se pragaT hotA hai. AtmAkA jo svabhAv hai usahImen-se pragaT hotA hai, bAhar-se kuchh AtA nahIn.

bAhar-se usakA sAdhan dev-guru-shAstra usake sAdhan hain. parantu gurudevane batAyA, tere chaitanya par dRuShTi kar to usamen-se sab pragaT hotA hai. usamen ananta bharA hai. AtmAkA gnAn svabhAv ananta hai. vah ananta, jisakA nAsh na ho, aisA ananta svabhAv, apAr svabhAv AtmAmen hai. AtmAkA jo svabhAv-gnAyak svabhAv hai, use pahachAna. Ananda usamen bharA hai. sab usamen hI bharA hai aur usamen-se hI pragaT ho aisA hai. bArambAr usIkA abhyAs karane jaisA hai. usakA raTan, usakA manan, sab vahI karane jaisA hai.

ek chaitanya kaise pahachAnamen Aye? jAgate-sote, svapnamen ek chaitanya-chaitanyakI pahachAn kaise ho? aisI bhAvanA aur bArambAr vahI karane jaisA hai. bAkI jagatamen kuchh bhI sarvasva nahIn hai. shubhabhAvanAmen ek dev-guru-shAstra aur andar shuddhAtmAkA dhyeya. vahI jIvanamen honA chAhiye, bAkI sabakuchh gauN hai. usake sAth koI prayojan nahIn hai. prayojan ek