62 kare to AtmA gnAnasvabhAv (hai).
mumukShu- ..
samAdhAna- hAn. AnandAdi sab AtmAmen-se pragaT hotA hai. samyagdarshan ho isaliye AtmAkI svAnubhUti (hotI hai). AtmAkA gnAn, AtmAkA Ananda, AtmAke ananta guNakA vedan jisamen hotA hai. sukh, jo ananta sukh (pragaT hotA hai), jagatake koI padArthamen sukh nahIn hai, aisA anupam sukh AtmAmen hai. bAharakA sukh usane kalpitarUp- se mAnA hai. vah to AkulatA-se bhare hain. antarakA jo AtmAkA sukh vah koI anupam hai. use koI upamA lAgU nahIn paDatA. aisA anupam sukh aur Ananda AtmAmen-se pragaT hotA hai, vah samyagdarshanamen pragaT hotA hai. vah bAhar-se nahIn AtA.
mumukShu- bhagavAn-bhagavAn kahakar sambodhan karate the. to bhagavAn banane-se pahale bhagavAn kahakar kyon sambodhan karate honge?
samAdhAna- bhagavAnasvarUp hI AtmA hai. AtmA anAdiananta svabhAv-shakti apekShA- se bhagavAn hI hai. pragaT hotA hai arthAt usakI paryAy pragaT hotI hai. bAkI vastu apekShA-se AtmA bhagavAn hI hai. bhagavAnakA svabhAv hai. usakI shaktikA nAsh nahIn huA hai. ananta kAl gayA to bhI usamen ananta shaktiyAn, gnAnAdi ananta guN usamen bhare hain, usakA nAsh nahIn huA hai. isaliye AtmA bhagavAn hai, use tU pahachAna. tU svayam shakti apekShA-se bhagavAn hI hai, aisA gurudev kahate the.
us bhagavAnako tU bhUl gayA hai, use tU pahachAna. usamen tU jA, usamen lInatA kar, usakI shraddhA kar-pratIt kar, gnAn kar to vah pragaT hogA, aisA kahate the. vah pragah hotA hai, vah pragaT bhagavAn hotA hai. bAkI shakti apekShA-se tU bhagavAn hI hai.
mumukShu- binA paDhe, anapaDh AdamIko bhI samyagdarshan ho sakatA hai?
samAdhAna- usamen kahIn bAharakI paDhAIkI AvashyakatA nahIn hai yA jyAdA jAne yA jyAdA shAstronkA abhyAs kare yA use jyAdA paDhAI ho to ho, aisA kuchh nahIn hai. mUl AtmAkA svabhAv pahachAne ki main gnAnasvabhAv gnAyak hUn aur ye sab mujh- se bhinna hai. aisA bhedagnAn karake AtmAko pahachAne, mUl prayojanabhUt tattvako pahachAne to usamen paDhAI koI AvashyakatA nahIn hai.
mUl vastu svabhAvako antaramen-se pahachAnanA chAhiye. usakI ruchi, usakI mahimA, usakI lagan antaramen lage aur vibhAvamen kahIn chain paDe nahIn, bAharamen (chain) paDe nahIn. aisI laganI aur mahimA yadi AtmAmen lage to apane svabhAvako pahachAnakar antaramen jAy to use bAhya paDhAIkI AvashyakatA nahIn hai.
shivabhUti muni kuchh nahIn jAnate the. gurune kahA, mAruSh aur mAtuSha. to shabda bhUl