mumukShu- sab guNonkA doSh hai.
samAdhAna- sabakA doSh hai. ek palaTane-se sab palaT jAte hain. ek samyak ho to sab samyak hotA hai. ek-se aTakA hai. ruchi manda hai, puruShArtha manda hai. us apekShA-se pratItimen, gnAnamen sabamen kShati hai.
mumukShu- vikalpa bhI sahaj hai, nirvikalpa bhI sahaj hai aur main bhI sahaj hUn. to phir vikalpamen dukh laganA chAhiye, to sahajamen dukh laganA chAhiye, usamen pharka nahIn paDA?
samAdhAna- vikalpa sahaj hai, matalab apane puruShArthakI pariNatike binA koI jabaran karavA nahIn detA. vikalpa sahaj hai, vah to apekShA-se hai. khud aisA rakhe ki vikalpa sahaj hai, isaliye apaneAp jo honevAlA hai vah hotA hai, to usakI puruShArthakI gati apanI or muDegI nahIn. jo aTakA hai vah apane puruShArthakI gati nahIn hai, us taraph usakI viparIt pariNati jAtI hai, isaliye aTakA hai. vikalpa sahaj hai, aisA yadi rakhe, us ek apekShAko grahaN kare aur puruShArthakI mandatAko grahaN nahIn karegA to vah Age nahIn baDhegA.
sab kAryamen apane puruShArthakI kShatiko yadi dekhegA to hI vah palaTegA, anyathA palaTegA nahIn. ... sahaj hai. parantu vikalpa sahaj hai, isaliye apaneAp honevAlA hotA hai, to-to phir ashubhamen-se shubh bhI nahIn hogA. vah kuchh badal hI nahIn pAyegA. shubhamen-se shuddha bhI nahIn hogA. jaise honevAlA ho, vaisA hogA. vah koI AtmArthIkA lakShaN nahIn hai.
jahAn AtmArtha hai, vahAn use aisA hI lagatA hai ki merI mandatA-se main aTakA hUn. merI puruShArthakI (kShati hai). phir bhale hI vah utanI AkulatA na kare, parantu vah samajhe ki merI apanI mandatA-se main aTakA hUn. apanI mandatA usake dhyAnamen ho to palaTanA hogA. mandatA hI dhyAnamen nahIn hai aur kisI aur par DAle to use badalanekA avakAsh nahIn hai.
mumukShu- main sahaj hUn, gnAyak sahaj hai.
samAdhAna- hAn, gnAyak anAdiananta vastu sahaj hai. parantu usakI pariNati palaTanemen puruShArthakA kAm hai. .. apekShA-se sahaj hai, parantu puruShArtha palaTanA apane hAthakI bAt hai. jise gnAyak dashA pragaT huI hai, jise bhedagnAnakI dhArA pragaT huyI hai, use sahaj pariNati (hai). jise bhedagnAnakI sahaj pariNati pragaT huyI hai, use bhI aisA rahatA hai ki mere puruShArthakI mandatA-se, merI lInatAkI mandatA-se main chAritramen, vItarAg dashAmen, chhaThThI-sAtavIn bhUmikAmen pahunchA nahIn hUn. merI apanI mandatAke kAraNa. usake gnAnamen bhI