mumukShu- rAg aur gnAnako bhinna karake, ek gnAyak hai vahI main hUn, aisA dekhanA?
samAdhAna- rAgako bhinna karatA hai vahAn gnAn bhinna paD hI jAtA hai. isaliye main gnAyak hUn, aisA grahaN kare to rAg bhinna paD jAtA hai. vAstavik rUp-se donon sAthamen hI hai. apanA astitva grahaN kare ki main gnAn hUn, isaliye rAg bhinna paD hI jAtA hai.
mumukShu- main gnAn hUn arthAt main gnAyak hUn?
samAdhAna- main gnAyak hUn. gnAn arthAt mAtra jAnapanA itanA hI nahIn, parantu main svayam gnAyak hUn. main gnAyak hUn, sarva prakAr-se gnAyak hI hUn.
samAdhAna- ... AtmAko pahachAnanA. vibhAv bhinna aur AtmA bhinna, prayojan to vah siddha karanekA hai. adhyAtma paddhatimen bhedagnAn karanA hai. bhedagnAn karanekA prayojan hai. us prayojanako dekhanA. prayojan vah hai. usamen rukanA nahIn ki isakA yah artha hai yA vah artha hai, bhAv-Ashay grahaN kar lenA. jahAn nimitta-naimittik sambandha ho, parakI mukhyatA ho usamen vibhAvakI gauNatA A hI jAtI hai. vibhAvakI bAt ho usamen nimittakI apekShA A jAtI hai. isaliye jo bhedagnAn, vibhAv-se bhedagnAn karanA hai, vah ek hI prayojan hai. usamen jaD-chaitanyako gauN karake vibhAv-se bhedagnAn karanA, ek hI bAt hai. us prakAr-se vichAr karanA hai.
AchArya bhI aisA kahate hain, aisA kahakar yah kahanA chAhate hain ki tU bhedagnAn kara. gurudev bhI aisA kahate hain ki tU bhedagnAn kara. vibhAv terA svabhAv nahIn hai. nimittakI apekShA-se nimittakA hai, nimittakI apekShA-se nimittakA hai aur tere puruShArthakI mandatA-se hotA hai isaliye terA hai. usamen bhI nimittakI apekShA hai. aur nimittakI mukhyatA-se bAt karake jaDamen DAl de to vah ekAnta jaD hai, usamen terI vibhAvakI apekShA sAthamen A jAtI hai. aur tujh-se hotA hai aisA kahe, usamen nimittakI apekShA AtI hai. aur tujh-se hotA hai aisA kahanemen nimittakI apekShA AtI hai. nimitta- naimittik sambandha kyA hai usakA vichAr karake bhedagnAn karanekA prayojan hai.
shAstramen adhyAtma dRuShTi-se prayojan hai, us prayojanako siddha karanA hai. bAhar nahIn.