puruShArtha utpanna ho to sab chhoD dete hain. antaramen-se chhUT jAtA hai, muni ban jAte hain. phir to kShaN-kShaNamen AtmAmen svarUpamen lIn rahate hain. kShaN-kShaNamen bAhar Aye, andar jAy aisI antarmuhUrtakI dashA ho jAtI hai.
parantu gRuhasthAshramamen hai isaliye use us jAtakA rAg puruShArthakI mandatAke kAraN chhUTA nahIn hai. antaramen-se chhUT gayA hai ki ye vibhAv mujhe kisI bhI prakAr-se AdaraNIy nahIn hai. Unche-se UnchA shubhabhAv bhI merA svarUp nahIn hai. usase bhI bhinna rahate hain. parantu ve rAjake rAg-se chhUTe nahIn hai. isaliye usamen khaDe rahate hain. ve chhoDanA chAhe, puruShArtha kare to kShaNamen chhUT jAy aisA hai.
kuchh rAjA laDAImen hote hain aur aisA hotA hai ki ye kyA? laDAImen khaDe ho, vahIn vairAgya AtA hai, vahIn muni ban jAte hain. aisI bhI koI rAjA hote hain. shAstramen dRuShTAnta AtA hai. laDAI karate ho, vairAgya AtA hai. hAr-jIt ye sab kyA hai? vahAn laDAImen hI lonch karake muni ban jAte hain, sab chhoD dete hain. aisA bhI puruShArtha utpanna hotA hai. aur kisIkA aisA puruShArtha utpanna nahIn hotA hai, isaliye laDAImen, rAjakI vyavasthAmen sabamen juDate hain.
samyagdRuShTikI antarakI gati kuchh alag hotI hai, bAharakI alag hotI hai. hAthIke dikhAneke dAnt alag aur antarake alag hote hain. vaise usakI antarakI pariNati ekadam nyArI hotI hai. parantu bAhar aise sab kAryamen juDatA hai. isaliye parIkShA karanI mushkil hai. laDAImen khaDe ho aur usakI parIkShA karanI, gRuhasthAshramamen khaDe ho usakI parIkSha karanI bahut mushkil hai. parantu vah antar-se kaise nyAre hain, vah unakA parichay ho to khyAlamen Aye aisA hai.
mumukShu- tabhI usakI gnAnadhArA chAlU hI hotI hai? aur karmadhArA chalatI hai?
samAdhAna- karmadhArA bhinna, gnAnadhArA bhinna. donon bhedagnAnakI dhArA vartatI hai. ye sharIr bhinna, usake hathiyAr bhinna, rAg Ave vah bhinna. sabase bhinna dhArA vartatI hai. pratikShaN dhArA vartatI hai. vah sab kArya usake nyAyapUrvak hote hain. koI anyAyamen nahIn juDate. maryAdit hote hain. parantu usamen ve khaDe hote hain, laDAIke kAyAmen.
pahaleke rAjA, chakravartI, bharat chakravartI, rAmachandrajI sab laDAIke kAyAmen khaDe the. vairAgya AyA tab muni banakar chal diye. bharat chakravartI to arIsA bhuvanamen ekadam vairAgyako prApta hue hain.
mumukShu- gurudevakI ek Tepamen sunA ki gnAnamen aisI tAkat hai ki bhUt, bhaviShya aur vartamAn sab paryAyonko jAn sake. aisA bhagavAnake liye hI hai?
samAdhAna- bhagavAnako pratyakSha gnAn hai, isaliye tInon kAlakA pratyakSha jAnate hain.