312
samAdhAna- jarUrat andar-se laganI chAhiye. jarUrat isIkI hai, dUsarI kuchh jarUrat nahIn hai. ye sab bAharakI jarUrat vah vAstavik jarUrat nahIn hai. vah sab sArarUp nahIn hai. jarUrat svarUp vastu jo Adarane yogya hai aur jo grahaN karane yogya hai, vah yahI hai. jo kalyANasvarUp aur AtmAko AnandasvarUp evan sukhasvarUp hai vah yahI hai. use gnAnamen gnAyakamen sab bharA hai, utanA vishvAs aur utanI mahimA AnI chAhiye. dikhatA hai gnAn, vah gnAn rukhA nahIn hai, gnAn pUrA bharachak bharA huA, mahimA-se bharapUr hai. utanI use andar-se mahimA AnI chAhiye.
mumukShu- apanI jarUrat lage aur parakI bhI jarUrat lage to vah vAstavamen jarUrat nahIn lagI hai.
samAdhAna- apanI jarUrat laganI chAhiye. mujhe isIkI jarUrat hai. mere Atma svabhAvakI hI jarUrat hai.
mumukShu- pahale-se chalI A rahI anya padArthakI jarUrat bhAsI hai, usake sAmane apanA jo gnAnatattva hai, usakI ekamAtra jarUrat use hai aur dUsarI koI jarUrat nahIn hai, aisA tulanAtmakabuddhimen use..
samAdhAna- aisA nirNay honA chAhiye. koI jarUrat nahIn hai. ye sab bAharake gney padArtha hain, vah koI mahimArUp nahIn hai, vah jarUratavAle nahIn hai. jarUrat ek AtmAkI, Atma svabhAvakI hI hai. aur vah svabhAv mahimAvant hai. utanA use antaramen laganA chAhiye. utanI use anupamatA laganI chAhiye. ye sab gneyonkA ThATh dikhe, vah gney use mahimArUp nahIn lagate. use mahimA ek AtmAkI hI lagatI hai. ek AtmAmen hI sab sarvasva hai, kahIn or sarvasva nahIn hai.
mumukShu- aisA vishvAs bhI AtA hai ki merI vastuke AdhAr-se mujhe santoSh, shAnti, vishrAm vedanamen AyegA vah mujhe nitya anubhavamen AyegA. aur vahAn-se mujhe kabhI vApas nahIn muDanA paDegA. aisI use..
samAdhAna- pratIt honI chAhiye. vahI satyArtha kalyANarUhap hai, vahI anubhav karane yogya hai, vahI tRupti, usImen use tRupti hogI, usImen use Ananda hogA. usamen prItivant ban, usamen santuShTa ho, usamen tRupta ho.
isamen sadA rativant ban, isamen sadA santuShTa re. isase hI ban tU tRupta, uttam saukhya ho jisase tujhe..206.. usamen tujhe tRupti hogI, usamen-se tujhe bAhar jAnekA man nahIn hogA. aisA tRuptasvarUp, santoShasvarUp AtmA hai, use grahaN kara.
mumukShu- andar sab bharA hai aur khojatA hai bAhara.