visheSh, sab parapadAthA-se bhinna, chha dravya-se bhinna main ek chaitanyatattva gnAn-darshan-se pUrNa hUn. aise Atmatattvako antaramen grahaN kare. main sarvase bhinna aisA pratApavant hUn. merI pratAp sampadA sabase bhinna hai. aise chaitanyatattvako svAnubhUtimen grahaN kare.
pahale use dravyadRuShTimen grahaN kare, phir usakA bhedagnAnakA bArambAr prayatna kare. bArambAr, main yah chaitanya hI hUn, anya kuchh nahIn hUn. aur gnAnamen guNonke bhed, paryAyake bhed gnAnamen grahaN kare. dRuShTi ek dravya par hI rakhe. bAkI sab gnAnamen grahaN karake puruShArtha kare. main dravyadRuShTi-se pUrNa hUn, parantu paryAyamen jo adhUrApan hai usakI sAdhanA kare. usakI sAdhanA karake gnAtAdhArAkI bArambAr ugratA kare. bhedagnAn karake usakI ugratA kare to vah chaitanyatattva pragaT hue binA nahIn rahatA. kyonki svayam hI hai, koI anya nahIn hai ki pragaT na ho. svayam hI hai. parantu svayam aisI gnAtAdhArAkI ugratA kare to pragaT ho.
AchAryadev kahate hain ki jitanA gnAn hai utanA hI tU hai. vahI satyArtha kalyANarUp hai. vahI paramArtha hai aur vahI anubhav karaneyogya hai. usImen tujhe tRupti hogI aur santoSh hogA. sab usImen bharA hai. isaliye us gnAnamen ananta-ananta bharA hai. ananta shaktionkA bharA huA ananta mahimAvant AtmAko grahaN kare to vah pragaT hue binA nahIn rahatA.
bArambAr usake vikalpake nayapakShemen aTake ki main shuddha hUn yA ashuddha hUn, vah sab vikalpAtmak (nayapakSha hai). pahale vichArase nirNay kare ki gnAnasvabhAv main hUn. kis apekShA-se shuddhatA, kis apekShA-se ashuddhatA? sab nakkI karake phir usakA jo upayog bAhar jAtA hai, us upayogako apanI or moDe. aur nirvikalpa tattva hai, use bArambAr usakI sAdhanA karake gnAtAdhArAkI ugratA kare. vikalpa-se use thakAn lage aur chaitanyatattvamen sarvasva lage to vikalpa chhUTakar nirvikalpa tattva pragaT hue binA nahIn rahatA.
vah sahaj tattva hai. sahaj tattva pAriNAmikabhAvarUp pariNamatA huA apane Ananda svabhAvarUp, gnAnasvabhAvarUp ananta svabhAvarUp pariNamatA huA vah tattva use pragaT hotA hai. shaktimen to anantatA to bharI hai, parantu use pragaT pariNamatA huA pragaT hotA hai. vikalpa taraph-se upayog chhUTakar, usakA bhedagnAn karake, apanA astitva yadi vah grahaN kare to vah pragaT hue binA rahatA hI nahIn. aisI svabhAvakI mahimA gurudevane batAyI hai. aur vah karane jaisA hai. vah na ho tabatak usakI bhAvanA, bArambAr prayAs karanA. shubhabhAvamen dev-guru-shAstrakA Ashray rakhe. antaramen shuddhAtmAkA Ashray kare.
shuddhAtmAkA Ashray pragaT karaneke liye dev-guuru-shAstra kyA kahate hain, usake Ashray- se chaitanyatattvakA Ashray grahaN kare. upAdAn apanA taiyAr kare to nimitta nimittarUp hue binA nahIn rahatA. aisA gurudevane bArambAr batAyA hai. aur karane jaisA vahI hai.
jo gnAnasvabhAv dikh rahA hai, ki jo kShayopashamake bhedamen bhI bhale akhaNDako grahaN