vah pratIti, usakI pratIti aisI hotI hai ki pratyakSha jaisI. bhale pratyakSha pragaT nahIn huA hai, parantu vah pratyakSha jaisI pratIti, aisA dRuDh nirNay karake chaitanyatattvakA Ashrayase usake balase Age jAtA hai ki yahI hai, anya kuchh nahIn hai. yahI mArga hai aur isI mArga par jAnA hai. aise gnAnasvabhAvako, gnAyakatattvako grahaN karake usakI or mati- shrutakA upayog moDatA hai aur bArambAr usakI dRuDhatA karatA hai. to usakI pragaT prasiddhi hue binA nahIn rahatI.
samAdhAna- ... svatantra hai. dev-guru-shAstra usamen nimitta hote hain. parantu apanA padArtha .... nimitta to prabal hotA hai, gurukA aur devakA, parantu andar-se... svayam apane aparAdhase anAdi kAl-se paribhramaN kiyA, vibhAv pariNatimen rukA, usake kAraN janma-maraN hue. vah svayam apane-se hI aTakA hai. usamen karma to mAtra nimitta hai. karma koI jabarajastI jabaran karavAtA nahIn, svayam svatantra hai. vaise puruShArtha karanemen bhI svayam svatantra hai. svayam apane puruShArtha-se palaTe, use gurun jo batAyA hai, use grahaN karake yadi svayam palaTe to ho sake aisA hai.
shAstramen AtA hai na ki pAnI malin ho, use katakaphal, koI auShadhi-se nirmal karanemen AtA hai, vah apane puruShArtha-se (karatA hai). vaise AtmA bhI svayam puruShArtha karake antaramen, auShadhi arthAt svayam apane gnAn-se, gnAnarUp auShadhiko apane puruShArtha- se jo nirmal, AtmA svabhAv-se to nirmal hI hai, parantu gnAnase usakI barAbar pahichAn karake ye gnAn bhinna hai aur vibhAv bhinna hai, use apane puruShArtha-se bhinna kare to bhinna ho sake aisA hai. svabhAv-se to nirmal hai, parantu pragaT paryAyamen nirmal apane puruShArtha-se hotA hai.
vah svayam hI usase bhinna paDatA hai, bhedagnAn karatA hai, svAnubhUti karatA hai, vah sab vahI karatA hai. apaneko jarUrat lage to palaTatA hai. mujhe AtmA hI chAhiye, AtmAkI svAnubhUti aur AtmAkA svabhAv jo gnAn, AnandAdi ananta guNon-se bharapUr hai, vahI mujhe chAhiye. aisI yadi apaneko jarUrat lage to vah svayam hI palaT jAtA hai. to vah bAharamen aTak nahIn sakatA. usako khudako jarUrat lage to svayam hI palaTatA hai aur vah apane puruShArtha-se hI ho sake aisA hai. koI use jabaran karavAtA nahIn. svayam kare to ho sake aisA hai.
mumukShu- vah kaisA puruShArtha chAhiye? aisI jAgRuti use kaise Aye?
samAdhAna- andaramen aisI jAgRuti ho ki main yah chaitanya hUn aur yah nahIn hUn. apanA chaitanyatattva hai use grahaN kare, ye sharIrAdi par Upar apanI buddhi hai, bAharamen main-main ho rahA hai, usamen-se ahampanA chhoDakar chaitanya so main hUn, yah main nahIn hUn, aise