289
mumukShu- apane gnAnasvabhAvamen jo AtmAkA Anand hai, us AnandakA use kaise patA chale?
samAdhAna- vah Anand to usako vedanamen Aye tab mAlUm paDe. vedanase. svayam apanI taraph upayog karake usakI pratIt karake usamen lIn hove to usako vah Anand vedanamen AtA hai vah mAlUm paDatA hai.
mumukShu- lIn honekA koI prayog?
samAdhAna- lIn honekA prayog to pahale sachchA gnAn ho bAdamen sachchI lInatA hotI hai. sachchA gnAn... usake mUl prayojanabhUt tattvako to jAnanA chAhiye ki main yah tattva padArtha jAnanevAlA tattva hUn. dUsarA kuchh main nahIn hUn. parapadArtharup main anant kAlamen huA nahIn. anantakAl usake sAth rahA. anantakAl usake nimittommen basA hUn, lekin main par padArtharup huA nahIn. main chaitanyatattva bhinna hUn.
ye vibhAvasvabhAv, anantakAl vibhAv pariNatise pariNamA phir bhI main vibhAvarup huA nahIn. usakA mUl svabhAv jAne, usake dravya-guN-paryAyako jAne, usakA bhedagnAn kare, yathArtha gnAn kare to usakI lInatA hotI hai. apane svabhAvako grahaN kare to usamen lInatA ho na? svabhAvako grahaN kiye binA khaDA kahAn rahegA? usakI lInatAkA jor kahAn degA? lIn kahAn hogA? bahut lInatA karane jAyegA to vikalpamen lIn hogA. main chaitanya hUn... chaitanya hUn... chaitanya hUn... aise vikalpa karegA. lekin vikalpakI lInatA vah lInatA nahIn hai. svabhAvako grahaN kare aur lInatA ho to sachchI lInatA hai.
mumukShu- hajAron gAmv dUr apane gurudev, mAtAjI Apako to khyAl hai ki gurudev to dUr vaimAnik devamen hain. phir bhI hamen vikalpa dvArA aisA lagatA hai ki yahAn gurudev padhAren, hamen darshan diye aur ham kRutakRut ho gaye. apaneke to Anand ho. gurudevashrI padhArakar darshan de to apaneko andarase Anand ho. lekin vah svapna yAnI ek svapna hI hai yA apanA andarakA bhAv hai? vah kyA hai?
samAdhAna- svapnake bahut prakAr hote hain. koI svapna yathAtathya hotA hai, koI svapna apanI bhAvanAke kAraN, apanI shubh bhAvanA ho to svapna Aye. koI svapna yathArtha phal de. svapna yathArtha ho to. svapnake bahut prakAr hote hain. kuchh apaneko bhAs hotA hai, koI bhAs apanI manakI bhAvanAke kAraN hotA hai, kaI bAr yathArtha hotA hai. vah khud nakkI kar sake ki yah yathArtha hai ki apanI bhAvanAke kAraN jo raTan karatA hai, vah raTanakA svapna hai yA yathArtha hai, vah khudako nakkI karanA hai. svapna ke kaI prakAr hote hain.
mumukShu- raTan kiyA ho, vah rAtamen A jAya.
samAdhAna- jo raTan kiyA ho vahI svapna rAtamen Aye. isaliye vah raTanake kAraN AtA hai. koI bAr yathAtathya bhI Aye. jo phalavAn svapna ho. mAtAko svapna Aye, bhagavAn padhArane