samAdhAna- akShay ghaDA hai. utanAkA utanA hai. jitanA pragaT huA, vikasit huA to bhI utanA hI hai. shaktimen thA to bhI utanA hI thA. shaktimen thA utanA vedanamen nahIn AtA thA, ab vedanamen pUrNa ho gayA to bhI dUsare samay utanAkA utanA hai. dravyakA aisA hI koI achintya sAmarthya hai.
dravyakI apekShA, paryAyakI apekShA, in dononkI sandhi karake samajhanA, vah dravyakA svarUp koI adabhut hai. mAtra dravya apekShAko alag kare aur paryAyamen kuchh nahIn hai, paryAy nirAdhAr rah gayI, aisA nahIn hai. dravyakA sAmarthya aisA hai. paryAyakA svarUp hai vah dravyakA hI svarUp hai. paryAy koI achintyasvarUp hai. anAdiananta rahe aur vartamAn pariNati kare. anAdiananta dravya pariNamatA nahIn koI apekShAse kahanemen Aye, phir koI apekShAse (aisA kahe ki) dravya pariNamatA hai. dravyamen to koI hAni-vRuddhi hotI hI nahIn. dravya to vaisAkA vaisA kUTastha kahanemen AtA hai. puna dravya pAriNAmik hai. vah kaisI virodhI bAt hai. kUTastha hai aur pAriNAmik hai. pAriNAmik hai to pariNamatA rahatA hai. aisA kahanemen AtA hai ki paryAy pariNamatI hai. lekin paryAy kahAn pariNamatI hai? dravyamen pariNamatI hai ki paryAy bAhar pariNamatI hai? paryAy koI alag dravyakI bhAnti nahIn pariNamatI. dravya svayam, pAriNAmikabhAvase dravya svayam pariNamatA hai. aisA dravyakA adabhut svarUp hai.
mumukShu- dononkI sandhipUrvak pUrI bAt vichAranI chAhiye.
samAdhAna- sandhipUrvak dononko samajhanA chAhiye. .. Ananda A gayA, ab dUsare samayamen dUsarA Ananda kahAn-se AyegA? ek samayamen guN pUrA ho gayA. ab khatma ho gayA, ab dUsarA kahAn-se AyegA? yah koI aisA dhan nahIn hai. dhan gharamen ikaTThA huA, pUrA dhan kharcha kar diyA, ab kyA? aisA nahIn hai. pUrA kahanemen AtA hai, phir bhI vah to vaise hI dravyamense Ate hI rahatA hai. usamen khatma hotA hI nahIn. ab dravyakI shakti kam ho gayI, ab dravyamen kuchh nahIn hai, aisA mAne to bhI galat hai. dravyamen ananta shakti hai. shakti hai, nigodamen jAye to bhI utanI kI utanI shakti hai, pUrNa sAmarthya hai aur pragaT ho to bhI (utanA hI hai).
pragaT honevAlA bhI svayam hai. shakti nahIn hai aisA lage to aisA nahIn hai. pragaT ho to bhI vaisA kA vaisA hai.
mumukShu- ... dravyakI hai.
samAdhAna- donon dravyakI hai. kShaNikarUp pariNamit honevAlA dravya bhI dravyakA svarUp hai. lekin usakA svarUp samajhanA ki dravyamen ek bhAg aisA hai ki kShaN- kShaNamen pariNati hotI hai. dUsarI-dUsarI paryAy AtI hai. aur usakA ek bhAg anAdiananta