samAdhAna- ... main to jAnanevAlA gnAyak hUn. paradravya svata svatantra pariNamate hain. usake dravya-guN-paryAy svatantra aur mere dravya-guN-paryAy svatantra hain. main use kahIn badal nahIn sakatA. jo badal sakatA to koI bAr ichchhA anusAr hotA hai aur koI bAr ichchhA anusAr hotA bhI nahIn hai. svayamne nakkI kiyA ho ki aisA kar dUn aur badal dUn, to bhI nahIn hotA. vah to jaise honA hotA hai vaise hI hotA hai. usamen koI kachh badal nahIn sakatA.
use kAryamen to apanI shraddhA badalanI hai. andar AkulatA ho, yah kyon nahIn huA, ichchhA anusAr kyon nahIn huA? parantu vah hotA hI nahIn hai. svayamko andar shraddhA badalakar kartAbuddhi antarase chhoD denI ki main nahIn kar sakatA. vah rah nahIn sakatA, rAgake kAraN sab kArya ho, svayam rAg karatA hai, isaliye rah nahIn sakatA. usakI shraddhA palaT de ki main to jAnanevAlA gnAyak udAsIn hUn. udAsIn gnAtA ho jAya. shraddhA badal de.
mumukShu- vah usakA charitArthapanA hai.
samAdhAna- vah charitArthapanA. shraddhA badalakar andar udAsIn ho jA. sachchA udAsIn aur sachchA gnAyakapanA to yathArtha gnAyakakI pariNati hotI hai tab hotA hai. lekin usake pahale usakI shraddhA aur bhAvanA kar sakatA hai. ekatvabuddhi vAstavik TUTI nahIn ho to bhI main gnAyak hUn, main to jAnanevAlA hUn. is prakAr usakI bhAvanA, usakI shraddhA, aisI pratIti buddhipUrvak bhI aisA kar sakatA hai. use jo atishay rAg-dveSh, ekatvabuddhi hotI thI usase bhinna rah sake. vAstavik bhinna to bAdamen hotA hai. parantu pahale itanA vah kar sakatA hai. usase udAsIn ho, bhinna ho, pratIt kare. yathArtha udIsanatA, bhinnatA to gnAyakakI pariNati ho tab kahanemen AtA hai. parantu usake pahale bhI usakI bhAvanAmen yah sab kar sakatA hai.
mumukShu- vAstavamen to shraddhA hI nahIn palaTI hai.
samAdhAna- shraddhA palaTI nahIn. ekatvabuddhi hotI rahatI hai. shraddhAko badalanA. pahale to shraddhA palaTanekI jarUrat hai. jo honevAlA hai vah hotA rahatA hai. svayam andar rAg-