280 udAsIn rahanekI, udAsInatAmen jise ras ho, jise gnAtAkA ras ho, vah rah sakatA hai.
jIvako anAdise kartAbuddhikA itanA ras lagA hai ki main karun, yah kiyA, mainne kiyA, mainne kiyA usake rasamen, gnAtA hokar nivRutta rahanA ki main kuchh nahIn kar sakatA, vah use mushkil lagatA hai. jise gnAyakakA ras ho, jise gnAyakakI mahimA ho, vah andarase mahimAse nirNay kare, shraddhA kare aur pariNati pragaT kar sake. vikalpamen bhI jise andar gnAyak rahanekA utanA ras ho yA jise andar gnAyakakI nivRutta dashA ruchatI ho vah rah sake. jise kartRutvabuddhi ruchatI ho vah nahIn rah sakatA.
andarase mahimA laganI chAhiye. usane vichArase nakkI to kiyA ki main kartA nahIn hUn, gnAtA hUn. lekin use gnAyakakA mahimA aur ras ho to use gnAyakakI bArambAr bhAvanA aur jignAsA ho, to use pariNati pragaT hotI hai. kuchh karanA nahIn hai, aisI nivRutta dashA jise suhAtI ho, ruchatI ho vah andar rah sakatA hai.
mumukShu- kuchh kiye binA rah sake, aisA?
samAdhAna- hAn. main kuchh nahIn kar sakatA. main to jAnanevAlA hUn. aisI udAsInatA aur aisI gnAyakakI mahimA jise lage, vah svayam shraddhA karake vaisI pariNati kar sakatA hai, to usakI sahaj dashA hotI hai. ... nikammA ho jAy, main kuchh nahIn kar sakatA? shUnya ho jAy? niShkriy ho jAy? aisA andar lagatA ho vah nahIn rah sakatA.
mumukShu- isamen sab upAdhi khatma ho jAtI hai, bojA khatma ho jAtA hai.
samAdhAna- andar ras laganA chAhiye. shraddhA to kare. phir chhUTe to bAdamen. pahale aisI shraddhA to kare. andar aisI mahimA, shraddhA kare. pariNati bAdamen pragaT hotI hai. pariNati pragaT honeke bAd alpa asthiratA rahatI hai. lekin use andar ekatvabuddhi toDanI mushkil paDatI hai. siddha bhagavAnako kuchh nahIn karanekA hai? pravRuttikA utanA ras hotA hai, isaliye aisA lagatA hai ki kuchh nahIn karanekA? yah sab chhUT jAyagA to shUnya ho jAyenge to? aisA ho jAtA hai. parantu andar svabhAvamen sab bharA hai, aisI mahimA andarase AnI chAhiye, utanI shraddhA andarase AnI chAhiye.
mumukShu- gnAnadhArA bhI nirvikalpapane kAm kar rahI hai?
samAdhAna- jaise shraddhA kArya karatI hai, vaise gnAnadhArA bhI sahaj kAm karatI hai. use vikalpa nahIn uThAnA paDatA. gnAnadhArA bhI nirvikalpapane kAm karatI hai aur shraddhA bhI vaise hI kAm karatI hai. nirvikalpa yAnI svAnubhUtikI nirvikalpatA nahIn. usakI pariNati us jAtakI hai, pariNati us jAtakI hai. use rAgakA vikalpa kar-karake rahanA paDatA hai, aisA nahIn hai. sahaj pariNati (chalatI) hai.
jaise ekatvabuddhikI pariNati sahaj hai, use vikalpa karake rakhanI nahIn paDatI, vah