mumukShu- sab prakArase ruchi chhUTakar, Apane kahA ki sab prakArase ruchi chhUTI nahIn. sab prakArase ruchi nahIn chhUTI hai, usamen kyA samajhanA?
samAdhAna- andar shubharAgamen ruchi rah gayI hai. shubhabhAvamen gaharAImen use ruchi hai.
mumukShu- bolatA to aisA hai ki shubharAg vikAr hai, doSh hai.
samAdhAna- hAn, vah sab bole. lekin antaramen usakI pariNatimen akelA andar nivRuttamay AtmA hI sukharUp hai, AtmAmen hI sab hai, aisA bole, lekin antaramen shubharAg itanA to hotA hai na, chAhe jaise bhI use gaharAImen rah jAtA hai. kyA rah jAtA hai? shAstramen AtA hai ki vah kevalagnAnI jAne. parantu gaharAImen use ruchi rah jAtI hai. par padArthakI or gaharAImen ruchi rah jAtI hai.
mumukShu- pravRuttikI ruchi rah jAya.
samAdhAna- andar pravRuttikI gaharI ruchi hai. parAshrayavAlI andar ruchi hai. parakI ora. shubharAgamen kuchh ThIk hai, shubharAg mainne bahut kiyA isaliye mainne bahut kiyA hai, mainne bahut dharma kiyA hai, sab tyAg kiyA hai, dev-gurukI bhakti aur yah sab bahut kiyA hai, sab shAstronkA abhyAs kiyA hai. dravya-guN-paryAy main to sab jAnatA hUn. yah sab ThIk hai, aisA antaramen mainne bahut kar liyA hai, antaramen santuShTa ho gayA hai aur bAharakI ruchi andar paDI hai. antaramen santoSh A gayA hai. is vikalpase bhI merA svarUp bhinna hai. Uchchatam vikalpase bhI main bhinna hUn, andaramen jo isakI ruchi honI chAhiye, vah ruchi antaramense use hotI nahIn.
mumukShu- mAtAjI! bahut kaThin kAm hai.
samAdhAna- apanA svabhAv hai isaliye AsAn hai. aur anAdikA abhyAs hai isaliye kaThin hai. chhUTatA hai use ek kShaNamen chhUT jAtA hai, antarmuhUrtamen chhUT jAtA hai aur jise nahIn chhUTatA hai use lAkhon kroDo bhav paryant kriyAen karatA rahe to bhI chhUTatA nahIn. agnAnI jo karma lAkh-kroD bhavamen kShay karatA hai, vah gnAnI ek shvAsamAtramen kShay karatA hai. svayamkA svabhAv hai isaliye sahaj hai, saral hai aur sugam hai. lekin bAharamakI ruchi lage to use chhoDanA mushkil hai. AtmAkA svabhAv hI nahIn hai, paramen