vah sab paryAyen to chalI jAtI hain, vikalpakI, vibhAvakI sab, aur jAnanevAlA khaDA rahatA hai. jo-jo banA vah sab jAnanevAleko khyAl hai ki yah huA, yah huA. vah jAnanevAlA jo hai, vah jAnanevAlA hI main hUn. usakA astitva grahaN kare, bArambAr kare. bArambAr prayatna kare. jabatak nahIn ho tabatak usakA prayAs karatA rahe, bArambAr karatA rahe. nahIn hot tabatak usake vichAr, usakA vAnchan Adi sab kare. svAdhyAy (kare). AtmA sambandhit jisamen svayamko ras Aye vah karatA rahe, bArambAr karatA rahe. gurune kyA kahA hai, shAstramen kyA AtA hai, vah sab bArambAr karatA rahe, dRuShTi badalaneke liye.

andarakI ruchi baDhAnI chAhiye. antarakI mahimA Aye. kahIn bhI sthir ho jAnA vah yogya nahIn hai, parantu satya kyA hai, yah nakkI karanA paDe. koI bhI sAhitya aur kuchh bhI paDhanA (aisA nahIn honA chAhiye). AtmA sambandhit ho vahI bhavake abhAvakA kAraN hai. dUsarA kuchh bhavake abhAvakA kAraN nahIn hotA. bhavakA abhAv karaneke liye satya kyA hai, yah nakkI karake us orakA prayatna kare to bhavakA abhAv hotA hai.

... dRuDhatA ho gayI, parantu usakI visheSh dRuDhatA, andar gaharAIse visheSh dRuDhatA (karanI). yah satya hai, lekin vah padArtha kaun hai? gnAnasvarUp AtmA gnAyak kaun hai? use pragaT karaneke liye usakI shraddhA karake bArambAr prayatna kare. satya yah hai, parantu us prakArase andar svayamko pahachAn honI chAhiye. us prakArase usakI shraddhA, usakI pratIt, usakA gnAn, usakI dRuDhatA honI chAhiye. andar gaharAIse kaise pragaT ho, aise usakI ruchi laganI chAhiye. shraddhA ho, vikalpase shraddhA kI parantu antaramen svayamko laganA chAhiye ki satya yahI hai. usakI mahimA laganI chAhiye. bAharakI sab mahinA chhUT jAya. antaramen laganA chAhiye. bArambAr shraddhAko dRuDh kare. vastu hai usako pahachAnanekA prayatna kare, use khojanekA prayatna kare. bArambAr use khoje. yah gnAyak hai, us par dRuShTi, usakA gnAn, usake bhedagnAnakA bArambAr prayAs kare. main to bhinna hI hUn, yah sab bhinna hai. yah vibhAv bhI merA svabhAv nahIn hai. usase bhI main bhinna hUn. aise bArambAr dRuDhatA karatA rahe.

muktikA mArga, use AtmAkA-svabhAvakA ras lagA to vah kaise pragaT ho aur kaise mere hAthamen Aye, aise bArambAr prayatna karatA rahe. shraddhAmAtrase, vikalpase jAn liyA to vaise pragaT nahIn hotA. parantu usakA Age-Age prayAs karatA rahe, use pragaT karaneke liye. prayojanabhUt barAbar yathArtha jAnakar usakI shraddhA karake, vah kaise pragaT ho usakA bArambAr prayatna kare.

mumukShu- gnAn prakAsh karatA hai aur shraddhA hai vah shaktionko pachAtI hai, vahAn kyA kahanA hai?