400
mumukShu- jIv jaise bhAv kare vaise bhAv hote hain yA jaise honevAle ho vaise hote hain?
samAdhAna- jIv jaise bhAv kare vaise hotA hain aur honevAle hote hain, donon melavAlA hai. AtmArthIko to aise hI lenA hai ki main mere doShake kAraN aTakatA hUn. jo honevAlA thA vah huA, aise yadi ekAnta legA to vah shuShka ho jAyagA. kuchh nahIn kar sakegA. bhagavAnane jitane bhav dekhe hain, vaisA hogA.
bhagavAnane aisA dekhA hai ki tU puruShArtha karegA to tere AtmAkI (or jAyagA). yah AtmA puruShArtha karake AtmAkI or muDegA. lekin puruShArtha karanevAlA to aise hI letA hai ki main is or muDan. aisA use Aye to hI apanI or jAya. yadi usakI bhAvanAmen aisA Aye ki jo honevAlA hogA vah hogA. aise ekAnta le jAy to sansAr hI honevAlA hai.
mumukShu- ekAnta ho jAy vah jIvakI apanI bhUl hai na?
samAdhAna- apanI bhUl hai. aise ekAnta le-le vah apanI bhUl hai.
mumukShu- sabakI yogyatA samAn hotI hai yA sab jIvakI yogyatA bhinna-bhinna hotI hai?
samAdhAna- sabakA svabhAv ek samAn hai. yogyatA bhinna-bhinna hotI hai.
mumukShu- puruShArtha karanekI yogyatA sabakI bhinna-bhinna hotI hai?
samAdhAna- sabakI bhinna-bhinna hotI hai.
mumukShu- vah kudaratI hotI hai?
samAdhAna- kudaratI hai, lekin svayam puruShArtha jaisA karanA chAhe vaisA kar sakatA hai.
mumukShu- yogyatAke kAraN aTak jAy, aisA hai?
samAdhAna- nahIn, aTake nahIn. apanI mandatAke kAraN hI aTak jAtA hai. merI yogyatA nahIn thI to main aTak gayA, aisA mAnanevAlA Age nahIn jAyagA. vah sab bahAne hain. main nahIn kar sakatA hUn, jaisA honevAlA hai vah hotA hai.
mumukShu- AkharI savAl hai, dhyAn karanA ho to vah kaise karanA?
samAdhAna- AtmAko pahachAnanekA prayatna kare. main dravya hUn. gaharAIse usakA svabhAv pahachAne. pahachAnakar usakI yathArtha shraddhA kare, barAbar nirNay karake usamen ekAgra ho to dhyAn hotA hai. sachche gnAn binA sachchA dhyAn nahIn ho sakatA. sachchA gnAn kare to hI sachchA dhyAn hotA hai.
mumukShu- gnAn yAnI nau tattva sambandhit jo gnAn hai vah...?
samAdhAna- nahIn, vah nahIn. vah sachchA gnAn nahIn hai. nau tattva to ek samajhaneke liye, bhed hai. andar AtmAko pahachAne. mAtra nau tattva (jAne) aise nahIn. main yah jAnanevAlA AtmA hUn, main gnAnasvabhAv hUn, main gnAyak shAshvat AtmA hUn, main dravyase anAdiananta