426 moTar, plen jAte hain vaise gati hogI? yA sAmAnyarUpase..

samAdhAna- bhagavAnakA vihAr? bhagavAn to AkAshamen chalate hain. bhagavAn AkAshamen chalate hain. nIche dev kamalakI rachanA karate hain. bhagavAnake charaN jahAn paDe vahAn dev suvarNa kamal rachate hain. mAno bhagavAn kamalamen chalate ho, aisA lage!

mumukShu- bhagavAn to Upar virAjate hain to ashakta AdamI Upar kaise jA sake?

samAdhAna- bhagavAnake samavasaraNakI siDhIyAn chaDhe to ashakta ho vah shaktaktivAn ho jAtA hai. ashakta koI rahatA hI nahIn. shAstramen AtA hai. bahere sunane lagate hain, aisA AtA hai. bhagavAnakA atishay aisA hai. gUnge bolane lagate haiain, andhA dekhane lagatA hai. siDhIyAn chaDhanemen use koI takalIph nahIn hotI hai.

... samyagdarshanake ekadam samIp A jAy, usakI vichAradhArA alag jAtakI hotI hai. parantu usake pahale jise jignAsA hai to jignAsA kare ki AtmA kaisA hai? kaise pahachAnA jAy? usakI laganI lagAye. AtmA jAnanevAlA hai, gnAyak hai. yah sharIr main nahIn hUn, yah vibhAv merA svabhAv nahIn hai, AkulatArUp hai. main jAnanevAlA ek gnAyakatattva anAdiananta shAshvat hUn. usakA vichAr karatA rahe. main gnAyak hUn, main Anandase bharA AtmA hUn, usake vichAr karatA rahe. shAstramen jo (AtA hai ki) dravya-guN-paryAy AtmAke kyA? paradravyake kyA? un sabakA vichAr karatA hai. use ek AtmAke sivA kahIn chain nahIn paDatA. kahIn or ruchatA nahIn. ek AtmAke sivA kahIn ruchatA nahIn. vikalpamen usakA man TikatA nahIn. bAr-bAr AtmAkI or jAtA hai. AtmA kaise pahachAnUn? aisI laganI use din aur rAt lagI hai. ekadam samIp ho jAy, usakI to kyA bAt karanI? use to ekadam tIvra laganI lagI hai. AtmA.. AtmAke sivA use kahIn ruchatA nahIn.

mumukShu- ...

samAdhAna- hAn, shubhabhAv hotA hai, lekin ekadam laganI lagI hotI hai. vikalpa mujhe nahIn chAhiye, gnAyak kaise pragaT ho, aisI andarase gaharAIse laganI lagI hotI hai. shubhabhAv hote hain, parantu AtmA jAnanevAlA hai vah main hUn, aise lakShaNase pahachAnakar nakkI kare ki yah jAnanevAlA hai vahI main hUn, usake sivA bAkI sab mujhase bhinna hai, vah merA svabhAv nahIn hai. yah sab mujhase bhinna par hai. merA svabhAv bhinna hai, yah vibhAv hotA hai vah bhI merA svabhAv nahIn hai. aisI use laganI lagI hai. main gnAyak hI hUn, aisA nirNay karake Age jAtA hai. nishchay karake. yah shubhabhAv main nahIn hUn, main to jAnanevAlA hUn. tIvra laganI lagI hai. bArambAr main jAnanevAlA hUn. chAhe jo vikalpa Aye, shubhabhAv Aye to bhI main jAnaneAlA, jAnanevAlA, aisI use antaramense dRuDhatA aur amuk prakArase