karake use aisA lagatA hai ki bahut kiyA. antaramen kShaN-kShaNamen, main gnAyak hUn, yah
(vibhAv) merA svarUp nahIn hai. aise mahimA lAkar honA chAhiye. gnAyak koI mahimAvant
padArtha hai. bolane mAtra nahIn, gnAyak aisA jAnA, jAnane mAtra gnAyak aisA nahIn. gnAyak
ek adabhUt padArtha hai. usakI mahimA lAkar bAr-bAr kShaN-kShaNamen usakI laganI lage,
bArambAr us orakA puruShArtha kare to hotA hai.
mumukShu- shAstra shravaN jyAdA hotA hai ki jin pratimAke darshan hote hain ki tattva vichAr jyAdA hote hain? ek karane jAte hain to dUsaremen aTak jAte hain, dUsaremen karane jAte hain to tIsaremen aTak jAte hain.
samAdhAna- dhyey ek shuddhAtmAkA (honA chAhiye). tattvakA vichAr kare, parantu tattva vichAre, pUjAse, usakI bhaktise use yadi shAnti lagatI hai aur AtmAke vichAr sphurit hote ho to aisA kare. shAstra svAdhyAyamen use ras lagatA ho to vaise kare. svayamkI jis prakArakI yogyatA ho, vahAn ruke, parantu dhyey ek (honA chAhiye ki) mujhe shuddhAtmA kaise pahachAnamen Aye? tattva vichAr karake andaramen nirNay kare ki main gnAyak hI hUn. sachchI samajh kaise ho? tattva vichAr karake andar nirNay karanekA prayatna kare. bAkI jahAn use ras lage vahAn ruke. yahIn rukanA yA vahIn rukanA aisA nahIn hotA.
sachchA gnAn andar ho, tattvake vichAr hone chAhiye. lekin prayojanabhUt (honA chAhiye). jyAdA jAne to hI hotA hai, aisA nahIn hai. ek AtmAko pahachAne to usamen sab A jAtA hai. AtmAke dravya-guN-paryAy kyA hai? yah pudagal kyA hai?la usake dravya- guN-paryAy kyA hai? do tattva bhinna hai. yah vibhAv apanA svabhAv nahIn hai. amuk prayojanabhUt tattva jAne, isaliye tattva vichAr to bIchamen Aye binA rahate nahIn. parantu usamen adhik dRuDhatA lAneke liye, use jahAn ruchi lage vahAn ruke. jin pratimAke darshanamen use adhik shAnti aur vichAr sphurit hote ho to vaisA kare. svAdhyAyamen adhik ras AtA ho to vaise kare. bAkI vichAr, nirNay karake gnAyakakI or jhukanA hai. sabamen dhyey ek hI honA chAhiye ki mujhe bhedagnAn ho aur AtmAkA svarUp kaise samajhamen Aye? dravya par dRuShTi kaise ho? dhyey to ek hI honA chAhiye. bAharamen rukanese sab ho nahIn jAtA, karanA antaramen hai. gurukI mahimA kare. gurune kyA kahA hai, usake vichAr kare. jahAn use ras lage vahAn rahe. parantu tattva nirNay karake andar Age baDhanA hai.
mumukShu- umra baDhane lagI hai, kesh shvet hone lage hain, yadi svasamvedan nahIn huA to hamArI dashA kyA hogI? ApakA AdhAr milA, phir bhI prApti nahIn hotI, kyon hotA nahIn? yA phir hamArA gnAyakakA gholan bolane mAtra hogA yA raTan jaisA hogA?