68 aisA nahIn hotA. ek or lakShya kare aur ek or hI svayam ekAnta kar le to chhUT jAye. nahIn to chhUTatA nahIn. usakI sandhi ho sakatI hai. ekako mukhya rakhe aur dUsarA gauN rakhe to ho sakatA hai. gnAyakako mukhyarUpase grahaN kare aur paryAyakA lakShya rakhakar puruShArtha kare to hotA hai. usakA lakShya rakhanekA hai ki main to anAdiananta shuddha hUn. shuddhatAmen koI ashuddhatAkA andar pravesh nahIn huA hai. to bhI paryAyamen ashuddhatA hai, dravyamen nahIn hai. paryAyamen ashuddhatA hai, isaliye main apane svarUpakI or svarUpakI pariNati pragaT karanese ashuddhatA TalatI hai.

isaliye ek grahaN kare to ek chhUT jAye aisA nahIn hai. ek dravya hai aur ek paryAy hai. do dravya ho to chhUT jAye. (yahAn to) ek dravya hai, ek paryAy hai. ekako gauN karanA hai, ek mukhya hai. kabhI upayogamen vichAramen Aye to paryAyake vichAr Aye, is tarah paryAy gnAnamen mukhya hotI hai, parantu dRuShTi to mukhya hai dravya par aur paryAy gauN hai.

mumukShu- puruShArtha hotA ho use jAne yA paryAyamen puruShArtha kare?

samAdhAna- mAtra jAne utanA hI nahIn, parantu puruShArtha karatA hai. mAtra jAne, jAne to puruShArtha hotA hai. aisA jAne ki main gnAtA hUn, gnAtAkI ugratA kare to gnAnamen puruShArtha A gayA. parantu mAtra jAne, jAnaneke liye jAne to vaise gnAnamen puruShArtha nahIn hotA. gnAyakakI ugratAmen puruShArtha A gayA. parantu gnAtA arthAt jAnA ki paryAy hai. aisA jAnA isaliye puruShArtha A gayA, aisA nahIn hai. gnAtAdhArAkI tIkShNatA kare to usamen puruShArtha A jAtA hai. main gnAyak hUn aur gnAtAdhArAkI ugratA kare aur usamen lInatA kare to usamen puruShArtha A jAtA hai.

main dravya gnAyak hUn. us gnAyakako gnAyakarUp rahaneke liye, gnAyakakI pariNatiko dRuDh karaneke liye, usakI gnAtAdhArAkI ugratAke liye puruShArtha karatA hai. bAhar jA rahA upayog aur vibhAvakI jo pariNati hai, us vibhAv pariNatise svayam bhinna hokar antaramen svarUpakI or lInatA karanekA prayatna karatA hai. jAnanA arthAt mAtra jAn lenA, aisA nahIn. parantu puruShArthapUrvak jAnanA hai. gnAtAdhArAkI ugratA karatA hai.

mumukShu- dravya aur paryAy, dononke bIchakA khel hI samajhamen nahIn AtA. aisA karane jAte hain to nishchayAbhAsI ho jAte hain aur vahAn jAte hain to vyavahArAbhAsI ho jAte hain.

samAdhAna- vah sab vikalpAtmak hai, isaliye aisA hotA hai. sahaj ho to nahIn hotA. vikalpAtmak hai. dravya par dRuShTi rakhUn, aisA vikalpase hotA hai. vah sab vikalpase karane jAtA hai, isaliye ek vikalpa chhUT jAtA hai aur ek vikalpa hotA