74 isamen sab A jAtA hai.

.. antaramen AyA, jise guN pragaT hue, muktikA mArga jise pragaT huA, antaramen jise darshan, gnAn, chAritra pragaT huA, aise gurukI bhakti shiShyonko Aye binA rahatI hI nahIn. AchArya bhI shAstra likhate hain, tab siddha bhagavAnako, arihant bhagavAnako namaskAr karake hI likhate hain. baDonko Age rakhakar hI shAstra likhate hain. AchAryako bhI aisA hotA hai. mAtra likhaneke khAtir nahIn, bhAvase likhate hain.

kundakundAchArya bhI kahate hain ki mujhe jo Atma-vaibhav prApta huA, vah mere guruse prApta huA hai. devAdhidev arihantadev bhagavAnakI paramparA aur mere gurune jo mujhe AtmAkA vaibhav darshAyA, usase mujhe pragaT huA hai. aisA kahate hain. gurukI bhakti to Aye binA nahIn rahatI. jise AtmAkI sAdhanA karanI hai, use gurukI bhakti to sAthamen hotI hI hai. gurune jo dhyey batAyA ki tU gnAyakako grahaN kar, us gnAyakakamen-us shuddhAtmAmen koI vikalpa nahIn hai. shuddhAtmA sab vikalpase bhinna hai. shubhAshubh bhAvonse usakA svabhAv bhinna hai. aisA guru darshAte hain. grahaN use karanA hai. gurune jo svabhAv darshAyA, us svabhAvako pahachAnakar antaramen grahaN karanA svayamko hai. lekin bIchamen gurukI bhakti Aye binA nahIn rahatI. panch parameShThIkI bhakti, gurukI bhakti, jinhonne mArga batAyA, unakI bhakti use sAth-sAth hotI hI hai.

jo AtmAkI sAdhanA kar rahe hain, use bhI gurukI bhakti hotI hai. to jignAsuko to sAthamen hotI hI hai. jise darshan, gnAn, chAritra pragaT huA, aise AchArya bhI gurukI bhakti (karake) guruko Age rakhate hain. padmanandI AchArya bhI jab shAstra likhate hain, tab jinendra devakI kaisI bhakti karate hain! Apake darshanase, bhagavAn! merA sab Tal jAtA hai. bhagavAn! bAdalake jo yah TUkaDe hue, jab meru parvat par abhiShek huA, us vakta indrane bhUjAonko phailAyA tab bAdalake TUkaDe ho gaye. kaisI bhakti kI hai, AchAryane bhI! jo AtmAkI ArAdhanA karate hain, chhaThThe-sAtaven guNasthAnamen jhulate hain, nirvikalpa tattvamen bArambAr nirvikalpasvarUp pariNamit ho jAte hain. bAhar Aye tab shAstra likhate hain. tattvake, bhakti Adike likhate hain. AchAyAko bhI (bhakti) hotI hai.

samyagdRuShTi jo gRuhasthAshramamen hote hain, unhen bhI gurukI bhakti hotI hai. to jignAsuko gurukI bhakti (ho, usamen kahAn prashna hai?) svayam kuchh jAnatA nahIn aur jo mArga darshAte hain, unakI bhakti Aye binA nahIn rahatI. tattvavichAr, dev-guru-shAstrakI bhakti Adi sab bIchamen AtA hai. antaramen vairAgya, virakti, shubhAshubh bhAvonse-vibhAvase virakti aur gurukI bhakti, svabhAvakI mahimA Adi jignAsukI bhUmikAmen hotA hai.

... dUsaronko kar nahIn sakatA, guru kahe, isaliye vah kar nahIn sakatA hai, ...