78
bAhar rAg hai, bAhar ekatvabuddhi hai, usake sAth gnAn juDA hai. bAharakA ras toD de aur antar Ananda hai, usakI or jA. tere gnAnakA upayog bAhar hai, use antaramen lA. shubhAshubh bhAvako bhinna kar aur tere AtmAke andar lA, aisA kahate hain.
mumukShu- kahIn achchhA na lage to upayog andaramen jAye?
samAdhAna- hAn, upayog andaramen jAye. andar jAtA hai vah gnAnakA upayog jAtA hai, parantu bAhar hai vah shubhAshubh mishrit hai. upayog bAhar hai (vah).
mumukShu- ... andaramen hI jAye?
samAdhAna- sachamuchamen kahIn ruche nahIn, barAbar yathArtharUpase achchhA nahIn lagatA ho to upayogako kahIn rahanekA sthAn nahIn rahatA. upayog kahAn TikatA hai? jahAn rAg ho vahAn Tike. rAg chhUT gayA, sachamuchamen use rAg hotA hI nahIn aur bAhar kahIn ruchatA hI nahIn, sachamuchamen nahIn ruchatA, phir upayog-gnAnakA upayog kahAn TikegA? pahale to shubhabhAv aur ashubhabhAvamen TikatA thA. bAhya gneyonke sAth rAg aur dveSh Adi hotA thA. ab, kahIn ruchatA nahIn hai to gnAnakA upayog kahAn jAyegA? svarUpakI or jAyegA.
vAstavamen use yadi ras TUT gayA ho, kahIn khaDe rahanA ruchatA na ho, ab kahAn jAnA? ab kisake Ashrayamen jAnA? yah Ashray to ThIk nahIn lagatA hai, shubhAshubh bhAvakA Ashray barAbar nahIn hai, vahAn khaDe rahanA ruchatA nahIn. kahAn jAnA? to vah svayam svayamke chaitanyakA Ashray khoj legA aur antaramen gaye binA rahegA nahIn. antarakA Ashray khoj lenA, yadi bAharamen Tik nahIn pAyA to. svabhAvakA Ashray khoj legA.
mumukShu- samayasAramen dRuShTAnta AtA hai na, samudramen jahAj par pakShI baiThA hai.
samAdhAna- samudramen jahAj par baiThA pakShI.
mumukShu- pakShI UD-UDakar kahAn jAyegA? vahIn vApas A jAyegA.
samAdhAna- vahIn A jAyegA, Ashray jahAjakA legA. vah dRuShTAnta AtA hai.
mumukShu- mAtAjI! gnAnI chaubIson ghaNTe kyA karate rahate hain?
samAdhAna- chaubIson ghaNTe use gnAyakakA Ashray hai, gnAyakakI pariNati hai. gnAyakakI pariNatimen rahate hain aur upayog bhale bAhar jAtA ho. jaisI usakI dashA ho, usake anusAr upayog bAhar shubhameen usakI bhUmikA anusAr jAtA hai. gRuhasthAshramamen samyagdRuShTi ho to usake gRuhasthAshramake kArya aur shubhabhAvamen upayog jAtA ho, parantu usakI pariNati, usakI pariNati nirantar chaitanyake Ashrayamen hI hai. usane Ashray chaitanyakA hI liyA hai. dUsarA bAharakA Ashray use chhUT gayA hai. bhale hI sab AtA ho, parantu Ashray-chaitanyaghar