samAdhAna- vItarAg dashAmen jahAn ek vikalpa nahIn hai, kisI bhI prakArakI ichchhA nahIn hai, kuchh nahIn hai. nirichchhAse dhvani mAtra chhUTatI hai. bhagavAnakI divyadhvani chhUTatI hai. jisamen bhagavAnako pUrNa gnAn-kevalagnAn pragaT huA, aisI dashA hai. usake sAth jo bhAShAkI pariNati hai, samasta lokAlokako darshAnevAlI, aisI bhagavAnakI divyadhvani lokAlokakA svarUp jisamen AtA hai, vah divyadhvani. bhagavAn ichchhApUrvak nahIn bolate hain. unhen koI vikalpa nahIn hai. sahaj dhvani chhUTatI hai. ekAkSharI dhvani nikalatI hai. usamen aise sab atishay hote hain ki usamen sab samajh jAte hain ki bhagavAn kyA kahate hain.
mumukShu- usamen gaNadhar kyA karate hain?
samAdhAna- kyA kare matalab?
mumukShu- bhagavAnakI divyadhvani chhUTI, ....
samAdhAna- jisakI yogyatA visheSh hotI hai, vah visheSh antarase gnAnako pragaT karate hain. visheSharUpase antarase rahasya grahaN karatA hai. dUsaronse adhik dhyAn karate hain. unakA kShayopashamagnAn aisA hotA hai ki sab grahaN kare. jahAn tak kShayopasham pahunche vahAn tak grahaN karate hain. bAkI bhagavAnakI dhvani to pUrNa hai. ve bhI kahate hain ki, bhagavAn! main ApakI dhvaniko pahunch nahIn pAtA. divyadhvanikA rahasya samajhanekI gaNadharamen yogyatA hotI hai. dUsare sab yathAshakti samajhate hain.
mumukShu- divyadhvani narakSharI rahatI hai?
samAdhAna- nirakSharI arthAt ek akShar hai, isaliye nirakSharI kahate hain. bhAv sab samajh jAte hain. usamen atishay hai.
mumukShu- gaNadhar bhagavAn bArah angakI rachanA karate hain, matalab?
samAdhAna- antaramen rachanA karate hain. bAharase likhate nahIn. antaramen aisI labdhi pragaT hotI hai. mati-shrutakI aise labdhi pragaT hotI hai. antaramen aisI rachanA karate hain, antarmuhUrtamen. shrutagnAnamen jitanA svarUp ho, us anusAr use shabdamen bhAv grahaN karake rachanA karate hain.