146 tab apane AtmAko jAnatA hai.
bhagavAnakA svarUp jo jAne to apane AtmAko pahachAne binA rahatA hI nahIn. bhItaramense jAnanA chAhiye. aise sab AtmA shuddha svarUp hI hai. shuddhAtmA hai. usamen puruShArtha kare ki main gnAyak hUn, main jAnanevAlA hUn, shuddhAtmA hUn, yah vibhAv merA svabhAv nahIn hai. vibhAvase main bhinna hI hUn. merA svabhAv main jAnanevAlA hUn. meremen ananta guN hai. jaise bhagavAnamen hain, vaise meremen hain. aisA vichAr kare to apane AtmAko pahachAnatA hai. usamen svAnubhUti hotI hai. samyagdarshan, gnAn aur chAritra-lInatA karanese hotA hai. bArambAr usamen lIn honese kevalagnAn hotA hai. aise bhagavAnakA svarUp jAne bhItaramense to apanA svarUp pragaT hotA hai.
mumukShu- param pUjya bhagavatI mAtAjI! antim prashna hai ki chhadmasthake liye gnAniyonko sukhakA vedan sarvAngase hotA hai yA niyat pradeshonse hotA hai? sukhakA vedan niyat pradeshonse hotA hai yA sarvAngase hotA hai? chhadmasthake liye.
samAdhAna- vah to AtmAmen hai... shAstramen AtA hai ki jahAn man hotA hai, manake nimittase yahAn hotA hai. vah sarvAngase hotA hai yA amuk pradeshamen hotA hai, yah jAnanekA kuchh prayojan nahIn hai. jo AtmAko jAnatA hai, usako svAnubhUti hotI hai. manake nimittase... man chhUT jAtA hai vikalpa aur nirvikalpa dashA hotI hai. sarvAngase hove yA amuk pradeshase hove, vah to jAnanekI bAt hai. shAstramen jo AtA hai vah hotA hI hai.
mumukShu- Atmadarshanake liye gnAn ekadam tvarAse kaise prApta kar sake?
samAdhAna- prayojanabhUt gnAna. jyAdA jAne, shAstra jyAdA jAne to... gujarAtI samajhamen AtA hai na? jyAdA shAstrakA abhyAs kare, shAstra jAne, aisA kuchh nahIn hai usamen. AtmAko jAne mUl prayojanabhUt ki main ek gnAyak AtmA hUn aur yah vibhAv merA svabhAv nahIn hai. aisA bhedagnAn karake antaramen jAy, aisA yathArtha gnAn ho to vah Age jAtA hai. prayojanabhUt gnAna.
mumukShu- bhedagnAn karaneke liye saral upAy...?
samAdhAna- saral upAy, AtmAkI laganI lagAye, jignAsA kare, usakI laganI hove to hotA hai, binA laganIke nahIn ho sakatA. laganI lagAye, main gnAyak hUn. main kaun hUn? merA svabhAv kyA hai? main shAshvat AtmA hUn. anAdiananta dravyamen koI ashuddhatA nahIn hai, paryAyamen ashuddhatA hai. paryAyakI ashuddhatA TAlaneko andar bhedagnAn kare.
bhedagnAn karanekA upAy andar laganI lage, kahIn sAr na lage. sArabhUt AtmA hI hai, bAkI koI sArabhUt nahIn hai. to vah vibhAvase bhinna hue binA nahIn rahatA. vibhAv