(ho rahI hai), dravyako bhUl gayA hai, us dravyako pahachAna. paryAyako gauN karake Age jAya. paryAyakA gnAn hotA hai ki main dravya hUn. usamen guN hai, paryAy hai, vibhAvaparyAy, svabhAv paryAy hai. bhedagnAn kare isaliye andar samyagdarshanakI paryAy pragaT hotI hai. samyagdarshanakI paryAy bhI paryAy hai. andar chAritrakI paryAy hotI hai, vah bhI paryAy hai. usakA to vedan svayamko hotA hai.
isaliye usamense paryAy nikAl denA, aisA artha nahIn hai. parantu usamen sarvasva mAnA hai. dravyako bhUl gayA hai, isaliye dravyako pahachAn, dravya par dRuShTi kar, aisA kahanA hai. dravyako mukhya karake paryAyako gauN kara. parantu sAdhak dashAmen munidashA pragaT hotI hai, chAritra dashA pragaT hotI hai, vah sab paryAy hai. dravya par dRuShTi karanese shuddha paryAyen pragaT hotI hai.
mumukShu- koI jagah gurudevane aisA kahA ki, dravyako grahaN kara. aur pravachanasAramen aisA kahA ki paryAyachakShu banda kar, usamen kyA apekShA hai?
samAdhAna- gurudevakA kahanA vahI hai. pravachanasAramen hI aisA AtA hai ki dravyArthik dRuShTise dekhane par dravya dikhAI detA hai. paryAyachakShuko banda kar, matalab paryAyachakShukA gnAn mat kar, aisA usakA artha nahIn hai. paryAyakI or dekhanA banda kar aur dravya par dRuShTi kar, aisA kahanA hai. isaliye use nikAl denA aisA artha nahIn hai. gurudev to sab bAt karate hain, dravya par dRuShTi kara. dravyako dekh, paryAyakA gnAn kar (Adi) sab gurudevamen to AtA hai. unakI vANImen sab AtA hai.
ekAnta karegA to shuShka ho jAyagA, aisA bhI gurudevakI vANImen AtA hai. puruShArtha kisakA karanA? aisA bhI AtA hai, gurudevakI vANImen. sab AtA hai. usakA mel karanA paDatA hai. anAdi kAlase paryAy par dRuShTi hai, isaliye us chakShuko banda kar aur dravyako dekha.
mumukShu- paryAyachakShu ko banda karate hain to aisA hotA hai, paryAy to hai. samAdhAna- paryAy to hai, paryAy nahIn hai, aisA nahIn hai. paryAy nikal nahIn jAtI. us par dRuShTi kara. dravya par dRuShTi karanese dravya dikhatA hai, paryAy par dRuShTi karanese paryAy dikhatI hai. usakA mel kara. dravyakA kyA svabhAv hai, paryAyakA kyA svabhAv hai? dravyakI mukhyatA karake paryAyako gauN karake gnAnamen sab jAn aur sAdhanA kar, aisA kahanA hai.