nahIn hotA hai. bhrAntike kAraN anAdi kAlase bhav karatA rahatA hai, bhavakA bhramaNa. AtmAko pahachAne to bhavakA abhAv hotA hai.
yah AtmA shAshvat hai, use pahachAne, usakA bhedagnAn kare, us par dRuShTi kare, usakA gnAn kare, usamen lInatA kare to vah pragaT hotA hai. lekin bAhya dRuShTi hai, pratIt bAhar karatA hai, gnAnakA upayog sab bAhar jAtA hai, lInatA sab bAharamen karatA hai. antaramen jAtA nahIn hai, isaliye AtmA pahachAnA nahIn jAtA.
mumukShu- gurudevake pAs, Apake pAs sune tab to aisA lagatA hai, oho..! AtmA to atyant karIb hai. lekin jaise hI bAhar nikalate hain, AtmA kahAn kho jAtA hai. hamAremen kyA kShati hai use samajhanA chAhiye.
samAdhAna- AtmA to apane pAs hI hai. anAdikA abhyAs hai, isaliye upayog bAhar chalA jAtA hai. bAharamen ras hai, utanA AtmAkA ras nahIn lagA hai. AtmAkI mahimA nahIn lagI hai. AtmA sarvotkRuShTa hai, aisA lagA nahIn hai. bAharakA ras hai. mAno bAharamen sabakuchh rasamay kyon na ho, aisA use lagatA hai. bAharakA sab sukhamay, rasamay lagatA hai. antar AtmA sukhamay aur rasamay lagatA nahIn hai. usakI shraddhA nahIn hotI hai, isaliye bAhar dauD jAtA hai. shraddhA hotI hai to Upar-Uparase shraddhA karatA hai, andar gaharAImen jAkar shraddhA kare to antaramen puruShArtha hue binA rahatA nahIn.
mumukShu- vaise to AtmAkI upalabdhi sahaj sAdhya hai aisA bhI kahanemen AtA hai, prayatna sAdhya hai aisA bhI kahanemen AtA hai. to dononkA mel kaise hai?
samAdhAna- usakA svabhAv hai, isaliye sahaj sAdhya hai. vah bAharase nahIn AtA, antaramen sahaj hai. parantu anAdikA abhyAs bAharakA hai, isaliye prayatna apanI or kare to hotA hai.
mumukShu- karanA paDe.
samAdhAna- prayatna kare to hotA hai, aise hI nahIn ho jAtA. sahaj hai. apane pAs hai, sahaj hai. vah, bAharakA koI sAdhan mile (to hotA hai), aisA nahIn hai. svayam sahaj hai, prayatna kare to hotA hai. sAdhan bAharake hote hain-dev-guru-shAstra. anAdikAlase AtmAko pahachAnA nahIn hai, isaliye usake sAdhan dev-guru-shAstra hain. anAdise pahachAnA nahIn hai, isaliye pahale use ek bAr sva sanmukh honemen, samyagdarshan honemen, deshanAlabdhi honemen jinendra dev, gurukA pratyakSha upadesh mile to vah antaramen svayam svayamko pahachAnatA hai, apanI or jAtA hai. parantu puruShArtha svayamse karanA hai.
mumukShu- lekin aisA nimitta bhI milanA chAhiye na?
samAdhAna- hAn, nimitta-upAdAnakA sambandha aisA hai. anAdi kAlamen ek bAr