328 mAtra mokSha abhilASha. mAtra mokShakI abhilASha. merA AtmA kaise pragaT ho? yah antaramen honA chAhiye.
mumukShu- amRutachandrAchArya pashu kahakar sambodhan karate hain, gurudev to bhagavAn kahate the. to dononke sambodhanamen itanA pharka kyon AtA hai?
samAdhAna- gurudev dravya apekShAse kahate the ki tU bhagavAn hai, tU siddha hai. jaisA terA AtmA, vaisA bhagavAnakA AtmA. bhagavAn jaisA hI terA AtmA hai. tU use pahachAna. terA AtmA bhagavAn jaisA hai. jaise bhagavAn samavasaraNamen virAjamAn hain, kevalagnAn prApta kiyA, unake dravya-guN-paryAy jaise hain, vaise hI tere hain. tU bhagavAn hai. tU bhagavAnako pahachAna. aisA gurudev kahate the. usakI dRuShTi kar to tujhe us orakI pariNati andarase pragaT hogI. aisA gurudev kahate the.
amRutachandrAchAryadev kahate hain, tU pashu jaisA hai. vah paryAy apekShAse (kahate the). unhen dayA, karuNA AtI hai. anAdi kAlase tU paryAyamen paDA hai. tU kahAn shuddhAtmA aur kahAn yah sab kaluShitatA aur kaShAyakI kAlimAmen tU anAdise paDA hai. tU pashu hai. kahAn-kahAn bhaTak rahA hai. isaliye pashu karuNAse kahate hain.
mumukShu- donon pahalU A gaye.
samAdhAna- donon pahalU barAbar hai.
mumukShu- unhonne paryAyase bAt kI, gurudevane dravyase bAt kI.
samAdhAna- dravyase bAt kI, unhonne paryAyase kI. AchAryadev samajhAneke liye anek pahalUse bAt kare. dravya aur paryAy donon AtmAkA svarUp hai. paryAyamen anAdi kAlase mUDh huA, tU pashu jaisA kuchh samajhatA nahIn hai, aisA kahate hain. AtmAkA kyA svarUp hai? aur ek-ek pakSha grahaN karake tU kahAn aTak gayA hai? tU pashu jaisA hai. kalashamen kahA hai, tU pashu jaisA hai.
(gurudev kahate hain), tU bhagavAn hai. tU vichAr kar, tU bhagavAn hai. aisA kahate the. in sabamen tU kahAn aTak gayA? yah terA svarUp nahIn hai, tU bhagavAn jaisA hai. bakareke samUhamen A gayA hai, tU bakarA jaisA hai, mAnon main bakarA ho gayA. tU to sinh jaisA hai. tU use pahachAn, aisA gurudev kahate the.
mumukShu- .. Apane jaldI dikhA diyA. mumukShuko jAne denA sikhanA chAhiye. jIvanamen yah bahut kAmamen Aye aisA siddhAnta hai. Ap to bachapanase hI aisA karate Aye ho. mumukShuko..
samAdhAna- bAharake sab prasangamen sab jAne denA. usake koI prasangakA kyA dRuShTAnta denA? chAhe jaisA sanyog bane usamen jAne denA, apanA Agrah nahIn rakhanA. svayamko yadi