380
samAdhAna- ... samyagdarshan to AtmAkI svAnubhUti hai, puruShArtha kare to hotA hai. bhedagnAn karake AtmAko prApta kare to hotA hai, bhedagnAn prApta kare to hotA hai. AtmA chaitanya shAshvat dravya hai, us par dRuShTi karake, usakA gnAn karake, usamen lInatA karake bArambAr kare to hotA hai. bAhar jo upayog dauD jAtA hai, upayogako svasanmukh kare. pahale dRuShTi kare. upayogako bArambAr chaitanyakI or lAye to vikalpa chhUTakar svAnubhUti hotI hai. usakI jignAsA, usakI mahimA, bArambAr usakI lagan lage to ho sakatA hai.
... yahI hai, main AtmA hI hUn. in sabase bhinna chaitanya hai. yah sharIrAdi paradravya (hai), vibhAvabhAv AtmAkA svabhAv nahIn hai, main usase bhinna hUn. antaramense nishchay-nakkI karake, us or pariNati (kare), bArambAr bhedagnAnakA abhyAs kare to vikalpa TUTakar svAnubhUti hotI hai.
mumukShu- yah nakkI karaneke liye bAhya padAthAke Ashcharyako banda kare aur andaramen chaitanya hai usakI mahimA pahale to bAharase Upar-Uparase Aye, khyAlamen Aye ki andar aisI ek chIj hai ki jo mere sukhake liye atyant upayogI hai aur vahI mujhe prApta karane yogya hai. aisA vichAr, bhAvanA honeke bAd, main gnAn hUn, yah use antar samvedanamen pakaDanekI paddhati kaisI hai?
samAdhAna- usakA svabhAv pahachAnakar pakaDe. bAhya dRuShTi jAtI hai. main chaitanya hUn, usakA svabhAv pahachAn le ki main yah jo gnAn hai-gnAyak main hUn. bAhar jAnatA hUn isaliye nahIn, parantu main antar svayam gnAyak hUn. gnAyak svabhAv hI merA hai, aise svayam apaneApako apane svabhAvase pahachAne. usakA svabhAv asAdhAraN gnAyak svabhAv hai, use svabhAvase grahaN kare. svabhAv aisA visheSh guN hai ki jo grahaN hotA hai. us guN dvArA pUrA gnAyak grahaN kar le. jo apanA svabhAv ho, vah sukharUp hI hotA hai. use svayam apanI antar dRuShTise grahaN kare. antarakI or jAya. vah svayam hI hai, koI gupta nahIn hai, anya nahIn hai ki jise khojane jAnA paDe, svayam hI hai, svayamko svabhAv dvArA pahachAn le.