jaisA hai, vaisA use anubhavamen AtA hai. AtmAke ananta guN, AnandAdi ananta guNonkA jisamen anubhav hotA hai-vedan hotA hai, koI alag hI duniyAmen vah chalA jAtA hai. yah vibhAvakI duniyA nahIn, parantu usakI svabhAvakI duniyA, vahI usakA svaghar hai, usamen vah bas jAtA hai. svAnubhUti, laukik anubhavase alag alag jo alaukik adabhUt dashA, jo bhUtakAlamen kabhI nahIn huyI. vah apUrva hai. jIvane sab kiyA, parantu AtmAkA svAnubhav-samyagdarshan pragaT nahIn kiyA.
gurudev kahate the ki, samyagdarshan pragaT karanA vah koI apUrva hai. jIvane ananta kAlamen.. AchAryadev bhI kahate hain ki, jinavar svAmi mile nahIn hai, samyagdarshan nahIn huA hai. ata ananta kAlamen yah donon apUrva hain. jinavar svAmi mile, lekin svayamne pahachAnA nahIn, isaliye mile nahIn hai. samyagdarshan koI apUrva hai, ananta kAlamen jIvane kabhI prApta nahIn kiyA hai. yadi prApta kiyA ho to usakA bhavabhramaN hotA nahIn. jise samyagdarshan ho, vah antaramen Age baDhatA-baDhatA apratihat dashAse jo baDhatA hai, phir kramasha use munidashA AtI hai. svAnubhUti baDhate-baDhate antarmuhUrta-antarmuhUrtamen kShaN-kShaNamen AtmAmen lIn hotA huA, munidashAmen to aisA lIn hotA hai, antarmuhUrta-antarmuhUrta kShaN-kShaNamen, aisA karate-karate kevalagnAn dashAko prApta karatA hai. isaliye jise svAnubhUti hotI hai, usakA to bhavabhramaN miT jAtA hai. usakA pUrA jIvan AtmAmay ho jAtA hai. usakA pUrA jIvan palaT jAtA hai.
mumukShu- indriy sukh dukharUp hai. jaise yahAn sUI chUbhI aur dukh mahesUs huA, aisA indriy sukh bhogate hue dukh kyon nahIn mahesUs hotA?
samAdhAna- kyA indriy sukh?
mumukShu- jaise indriy sukh dukharUp hai, aisA Agamakathan bahut sunA. to jaise yahAn kAnTA chUbhAyA to dukharUp mahesUs huA, aisA indriy sukh bhogate samay dukharUp mahesUs kyon nahIn hotA?
samAdhAna- usako gnAn nahIn hai to buddhikA bhram ho gayA. AkulatA-AkulatA hai, sab AkulatAmen paDA hai. AkulatA hI dukh hai yAnI buddhikA bhram hai. kalpanAse, bhramase usane sab padAthAmen sukh mAn liyA hai. bhItaramen vichAr kare to AkulatA hai, AkulatA hai. svabhAvase viparIt vibhAv dashA sab AkulatArUp hai-dukharUp hai. AkulatA hai, AkulatAkA vedan hai. kalpanAse use sabamen sukh lagatA hai. kalpanA hai. vichAr kare to sab dukh hai. koI aisA dekhanemen AtA hai ki yah dukh hai, parantu sab dukh hai.
devalokamen jAy to devalokamen sukh lagatA hai, narkamen dukh dekhanemen AtA hai. parantu devalokamen bhI bhItaramen AkulatA hai. AkulatA hI dukh hai. mUl dukh AkulatA hai.