shrutagnAn orase bAt karanemen AtI hai to shrutagnAnakI orase kahate hain. dev-gurukI orase bAt kare to dev-gurukI orase (bAt AtI hai). donon sAthamen hote hain. bhagavAnake dravya-guN-paryAyako jAne usamen shrutagnAn A jAtA hai. shrutagnAn dvArA AtmAko jAne usamen dev-guru bhI A jAte hain. donommen aisA sambandha A jAtA hai.

... koI kahanekI bAt nahIn hai. svAnubhUti to alaukik hai, AtmAkI vastu hai. AtmA hai, AtmAkI svAnubhUti (hotI hai). vibhAv to anAdi kAlamen bahut vedanamen AyA hai, svAnubhUti to vedanamen nahIn AyI hai. samyagdarshan pragaT nahIn huA hai, vah to alaukik hai. vikalpa TUTakar nirAkul AtmAkA Ananda, ananta guNase bharA AtmA, vah to koI alaukik vastu hai. svAnubhUtimen AtI hai.

mumukShu- mAtAjI! samyagdarshanakI pAtratA kyA honI chAhiye? samAdhAna- pAtratAmen to aisI bhAvanA hove ki main AtmAko kaise pragaT karun? main kaise AtmAko pahachAnUn? vibhAvamen chain na paDe, bAharamen kahIn chain (na paDe), bAhar upayog jAy usamen chain nahIn paDe, vibhAvamen kahIn chain na paDe. sukh aur shAnti mere bhItaramense kaise A jAy? aisI bahut bhAvanA (ho). mujhe AtmA kaise pragaT ho, aisI jignAsA, chaitanya gnAyakakI mahimA, main gnAyakako kaise pIchhAnUn, usakI mahimA, dev- guru-shAstrakI mahimA, bArambAr usakA abhyAs, tattva vichAr, shAstra abhyAs, usamen main AtmAko kaise pIchhAnUn? prayojanabhUt AtmA. jyAdA jAn lUn (aisA nahIn), parantu main prayojanabhUt AtmA gnAyak usako kaise pIchhAnUn? usakI bahut bhAvanA, jignAsA, laganI rahatI hai.