samAdhAna- ... dRuShTi aisI ho gayI hai. gnAyakakI-gnAtAkI dhArA, jise sab chhUT gayA hai, isaliye use bAhar kahIn ruchatA nahIn hai. vibhAvakA sab ras TUT gayA hai. akelA AtmA hI ruchatA hai. AtmAkI or pariNati ho gayI hai. akele gnAyakake sivA use kuchh ruchatA nahIn. gnAyakakI pariNati jaise-jaise pragaT hotI hai, usakI lInatA pragaT ho vahI usako ruchatA hai, dUsarA kuchh nahIn ruchatA. use antarakI itanI shraddhA, ruchi, pariNati aur lInatA amuk prakArase huyI hai aur vibhAvakA ananta ras TUT gayA hai aur AtmAmen jo anantatA hai, us par dRuShTi jam gayI hai, use kahIn ruchatA nahIn hai.
ananta-ananta shakti jo AtmAmen hai, vah use ruchatI hai, dUsarA kuchh ruchatA nahIn hai. parantu abhI use asthiratA hai, pUrNa kevalagnAn nahIn hai. pUrNa lInatA nahIn huyI hai. shraddhA apekShAse use kahIn ruchatA nahIn hai. parantu lInatA adhUrI hai isaliye bAhar juDanA paDatA hai. juDatA hai, lekin use gnAtAkI dhArA chhUTatI nahIn hai. usamen ekatvatatA nahIn hotI, usase bhinna rahatA hai. alpa asthiratA hotI hai ata bAhar juDanA paDatA hai. vah bAharake sab kAyAmen juDatA hai, parantu antarase use udAsIn dhArA aur gnAtAkI dhArA aise hI chalatI rahatI hai. svayam bhinna nirAlA rahatA hai.
use Anshik gnAyakakI dhArA, gnAn aur amuk prakArakI pariNati, lInatA usakI chAlU hI hai. use bAhar kahIn ruchatA nahIn hai. aur vahI karane jaisA hai. kyonki gnAyak chaitanya adabhut hai. adabhut hai vahI mahimAyogya hai aur vahI AdaraNIy hai. dUsarA kuchh AdaraNIy nahIn hai. sabako vahI karane jaisA hai.
gurudevane vah batAyA hai. vahI apUrva mArga pragaT karane jaisA hai. svAnubhUtikI dashA pragaT ho to hI muktikA mArga pragaT hotA hai. aur vah svAnubhUti pragaT honese ansh- anshamen lInatA baDhatI jAy, to usImen usakI pUrNatA aur kevalagnAn usImen pragaT hotA hai. isaliye vahI karane jaisA hai. isake alAvA dUsarA kuchh AdaraNIy nahIn hai. Alamban to ek AtmAkA, dUsarA bAharakA Alamban vah Alamban nahIn hai, vah to vibhAvakA Alamban hai. svabhAvakA Alamban hI sukharUp hai. vahI svAdhInarUp hai aur usImen