muktikA mArga hai. svAnubhUtikI dashA baDhate-baDhate pUrNatA prApta hotI hai. ata vahI jIvanakA
kartavya hai. dravya par dRuShTi karake vahI karane jaisA hai.
mumukShu- dravya par dRuShTi, aisA Apane kahA, arthAt dravyakI jo anupam mahimA Apane batAyI, aisA main hUn, aisA nirNay karake us or svayamkA lakShya karanA, use dRuShTi kahate hain? yA vastu jaisI hai vaisI jAnakar shraddhA karanI, use dRuShTi kahate hain?
samAdhAna- pratham use pahachAn lenA ki chaitanyatattva yah hai, aisA mahimAvant hai. aise pahachAnakar us par dRuShTi karanI. us dRuShTimen koI bhed nahIn paDatA. apanA astitva grahaN karatA hai ki yah chaitanya hai so main hUn. use svabhAvamense grahaN kare. ek buddhise nirNay kare vah alag bAt hai. bAkI antar dRuShTi karake use barAbar pahachAne, us par dRuShTi kare. usakI dRuShTi kaho yA pratIt kaho, jo bhI kaho sab ek hai. dRuShTi, pratIta. usake sAth gnAn yathArtha (hotA hai ki), yah chaitanya main hUn. usake sAth pariNati bhI us or (jAtI hai ki) vah kShaN-kShaNamen bhedagnAn kare. vah bhedagnAn pahalese nahIn hotA hai, usakA abhyAs kare to hotA hai.
pratham to yathArtha svAnubhUtike bAd jo yathArtha gnAyakakI dhArA pragaT ho, vah alag hotI hai. pahale to vah mAtra abhyAs karatA hai ki main gnAyak hUn, main gnAyak hUn, yah main nahIn. aisA abhyAs (karatA hai). yathArtha gnAyakakI dhArA aur kartAbuddhi TUTakar jo gnAtAdhArA pragaT ho vah svAnubhUti honeke bAd yathArtharUpase hotI hai, sahajarUpase hotI hai. usake pahale to vah abhyAs kare, parapadArthakI kartAbuddhi chhoDe ki main parapadArthakA kar nahIn sakatA, main chaitanya gnAyak-gnAtA hUn. aise pahale to abhyAs kare. bAdamen yathArtha hotA hai aur sahajarUpase bAdamen hotA hai.
mumukShu- prayatnapUrvak svayam parapadArthase bhinna hai, main gnAn aur Ananda hUn. aise nirNay karake svarUpakI or jhukatA hai, vikalpake dvArA aur jab usakA us or jor baDh jAy, tab vikalpa TUTatA hai?
samAdhAna- hAn, jor baDhe to hI. to hI vikalpa TUTatA hai. mAtra manda-manda ho usamen nahIn TUTate. yathArthapane usakA jor, dravyadRuShTikA jor baDhe to vikalpa TUTe.
mumukShu- aur Apake jo vachan nikale hain, un par gurudevane sab spaShTIkaraN kiyA hai aur Apake mukhase vANI sunakar bhI mujhe bahut Ananda huA hai. aur vAstavamen ... bahut santoSh hotA hai ki mahAbhAgyashAlI hain ki bhagavatI mAtA Ap pratyakSha hamAre sAmane maujUd hon, Ap darshan dete hon. gurudevane ApakI pahachAn nahIn karavAyI hotI to khyAlamen bhI nahIn AtA, Apako pahachAn nahIn sakate.