ho, aisA nahIn hai.
samAdhAna- isaliye puruShArthakI taiyArI to svayamko hI karanI hai.
mumukShu- svayamko hI karanI hai. vah pUrvake sanskAr bhI vyavahArakA kathan hai ki us sanskArake balase prApta huA. nishchayase to jab puruShArtha karake prApta kare tab pUrva sanskArake balase (prApta huA), aisA vyavahArase kahA jAya.
samAdhAna- hAn, aise vyavahArase kah sakate hain, us par Arop dekara. pUrvake sanskAr to vyavahArase (kahanemen AtA hai).
mumukShu- pUrvake sanskArako jAgRut karanemen bhI vartamAn puruShArtha chAhiye.
samAdhAna- vah svayamkA vartamAn puruShArtha hai. AtmAmen Ananda bharA hai, AtmAmen gnAn bharA hai, parantu svayam andarase vikalpako chhedakar puruShArtha kare to hotA hai.
mumukShu- vikalpakA chhed nahIn huA hai, phir bhI AtmA gnAnAnandamay hai, aisA svIkAr, usakI hakAr to andarase aisA AtA hai ki tU hI shAntikA piNDa, AnandakA piNDa, gnAnamUrti AtmA hai. usamen to thoDI bhI shankA nahIn hotI. anubhav binA. anubhavapUrvakakI vANI to koI aur hotI hai.
samAdhAna- vah to usakI dashA hI alag hai.
mumukShu- parantu anubhav pUrva bhI aisA svIkAr to aise jorashorase AtA hai ki aho! tU gnAnAndamay hai. parantu use pakaDaneke liye...
samAdhAna- usakA abhyAs kShaN-kShaNamen, kShaN-kShaNamen chalanA chAhiye.
mumukShu- bolo, vajubhAI! kitane dUr ho? vajubhAIko to bahut bAr likhatA hUn. tU svayam DAkTar, tU svayam dardI aur tU dardIkA darda miTAnevAlA bhI tU svayam hai. barAbar hai?
samAdhAna- sab svayam hI hai. gurudevane apUrva vANI barasA dI. sabako kahIn bhUl na rahe aisA kar diyA hai.
mumukShu- barAbar hai, usamen to.. itanA parosakar gaye hain ki aho! hamAre ahobhAgya ki aisA sAkShAt sunane milA.
samAdhAna- sab kahAn paDe the, kriyAmen aur shubhabhAvamen dharma mAnate the. vahAnse to dRuShTi uThA dI, parantu antaramen dravya-guN-paryAyake bhedamen bhI tU mat aTak, ek dravyadRuShTi kara. gnAn sab kar lekin dRuShTi ek AtmA par sthApit kara.
mumukShu- gnAn bhI dRuShTi karaneke liye karanekA hai na.
samAdhAna- kitanA sUkShma gurudevane de diyA hai.
mumukShu- oho..! kyA andar sUkShmatAmen le gaye hain! chhed-bhedakar kitanI sUkShmatAmen!