parantu pratham vah siddha bhagavAn jaisA hai, aisA nirNay kare-nakkI kare. mAtra vikalpase nakkI kare vah to shurUAtamen pahale buddhise nakkI kare. parantu andar jo usakA svabhAv hai, us svabhAvake mUlamen jAkar nakkI kare to vah pragaT hotA hai. AtmA to svabhAvase bhagavAn jaisA hI hai. bhagavAn hI hai. bhagavAn jaisA hI usakA svabhAv hai. shaktise hai. bhagavAnane pragaT huA aur ise shaktimen hai. vaise yah prayatna kare to vah pragaT ho aisA hai. usamen jo svabhAv ho vah usamense pragaT hotA hai, nahIn ho vah kahAnse pragaT ho? usake mUlamen hai to pragaT hotA hai.

jaise vRukShakA jaisA bIj hai, usake bIjamen hai to use pAnIkA sInchan karanese usakA vRukSha panapatA hai. vaise usake mUlamen-chaitanyake mUl svabhAvamen hI hai. svabhAvamense svabhAv AtA hai. vibhAvamense-rAgamense vItarAgatA nahIn AtI, vItarAg svabhAv hai usamense pragaT hotI hai. ata usake svabhAvakA nAsh nahIn huA hai. ananta janma-maraN hue, ek bhavase dUsarA bhav, usake pariNAm anusAr hote rahate hain. narka, svarga, tiryanch usake vibhAvabhAvake kAraN hote hain. parantu svabhAvako pahachAne to bhavakA nAsh hotA hai. ananta kAlase usane bAhya kriyA bahut kI, parantu shubhabhAv kiye, puNyabandha huA, devalokamen gayA parantu AtmAko pahichAnA nahIn. shubhabhAvase puNyabandha huA, devalokamen gayA, parantu shubh vikalpase bhI AtmA bhinna hai, usakA svabhAv yadi pahichAne, usakA bhedagnAn kare, usakI svAnubhUti kare to bhavakA abhAv hotA hai, to AtmAkA Ananda pragaT ho. shubhabhAv bIchamen Aye, parantu apanA nij svabhAv to vikalpa rahit nirvikalpa svabhAv hai. pahale usakI shraddhA ho, phir usamen lInatA kare to pragaT hotA hai.