to usamen aTak gayA. aise kahIn-kahIn aTak gayA, mAnon mainne bahut kiyA. lekin jabatak svayamko-chaitanyako pahachAnA nahIn hai, antaramense kuchh pragaT nahIn huA yA antaramen use koI apUrvatA Aye to use kisIko pUchhane bhI nahIn jAnA paDe. usake AtmAmense hI aisA Aye ki yahI mArga hai. antaramense aisI koI apUrvatA aur yathArtha mArgakI pratIti aur aisA Ananda Aye kI yahI mArga hai. jo bhagavAnane kahA vah yahI mArga hai, isI svAnubhUtike mArga par Age baDhA jAtA hai. usakA antarang hI use kah detA hai. ... aTak jAtA hai. koI gnAnamen, koI jUThe dhyAnamen, kuchh kriyAommen, kuchh-kuchh thoDA-thoDA karake aTak jAtA hai. mUl vastuko pahichAne binA. bIchamen shubhabhAv Aye to mainne bahut shubhabhAv kiye. mainne bahut dayA, bhakti, ye-vo, dAn diyA, sab bahut kiyA, mainne bahut dharma kiyA. bAharase dharma nahIn hotA hai, vah to shubhabhAv ho to puNyabandha hotA hai. antaramense shuddhAtmAko pahichAne to svabhAvamense dharma hotA hai. kahIn- kahIn bAharamen aTak jAtA hai.

mumukShu- apanA agnAn hI usamen kAraN hai yA aur kuchh?

samAdhAna- nahIn, apanA hI kAraN hai, koI anya kAraN nahIn hai. apanI agnAnatAse hI svayam rakhaDA hai. koI dUsarA use rakhaDAtA nahIn. koI use kuchh nahIn kahatA. karma to nimittamAtra hai. apanI bhrAnti aur apanI bhUlase rakhaDA hai. svayam bhUl kI hai, svayam hI toDe. guru yathArtha mArga darshAye, mArgako grahaN karanA apane hAthakI bAt hai. gurudevane anek prakArase svarUp samajhAyA hai. apUrva mArga batAyA hai. grahaN karanA apane hAthakI bAt hai.

mumukShu- bahinashrI! samyak puruShArtha mAne kyA? samyak puruShArtha, sachchA puruShArtha- satya puruShArtha mAne kyA?

samAdhAna- samyak puruShArtha ki jisake pIchhe AtmA pragaT ho. AtmA ananta guNonse bharapUr hai. AtmAmen ananta shaktiyAn hain. AtmA jisamen pragaT ho vah samyak puruShArtha hai. jis puruShArthamen AtmA pragaT na ho, vikalpakA abhAv hokar nirvikalpa dashA jo svAnubhUtikA mArga hai, vah pragaT na ho, us panth par nahIn jAnA ho aur mAtra shubhabhAv ho, jis shubhabhAvase puNyabandha ho, to vah samyak puruShArtha nahIn hai. puNya bandhe to svarga milatA hai. vah samyak puruShArtha nahIn hai.

samyak puruShArtha usakA nAm hai ki jisamen sva-parakA bhedagnAn ho ki ye vastu main nahIn hUn. main to chaitanya koI apUrva vastu chaitanya chamatkArI, chaitanya chintAmaNi vastu main hUn. aisI koI andarase vastu grahaN hokar puruShArtha ho to vah samyak puruShArtha hai. bAkI vikalpa manda kiye, rAg manda kiyA, sab kiyA, shubhabhAv kiye, parantu jahAn