mukhyatāpūrvakakā kramabaddha hai. jisake lakṣyameṁ puruṣārtha nahīṁ hai, vah āge nahīṁ baḍh sakatā. kramabaddha bhale sāthameṁ ho, parantu jisake lakṣyameṁ puruṣārtha nahīṁ hai (vah āge nahīṁ baḍh sakatā). kramabaddha puruṣārthake sāth juḍā hai.
mumukṣuḥ- paryāy śuddha ho jātī hai? kramabaddhake sāth puruṣārtha āye to paryāy śuddha ho jātī hai?
samādhānaḥ- puruṣārtha utpanna ho, isaliye usakā kramabaddha ho jātā hai. puruṣārtha apanī or-jñāyak or kare to kramabaddha jaisā hai vaisā ho jātā hai. usakī dr̥ṣṭi puruṣārtha par honī cāhiye, usakā lakṣya puruṣārtha par honā cāhiye. use khaṭak rahanī cāhiye ki merī mandatā hai, maiṁ āge nahīṁ baḍh pātā hū̃n. yadi aisā usake khyālameṁ rahe ki kramabaddhameṁ jaisā honevālā hogā vah hogā, maiṁ kyā karun̐? honevālā hogā, honevālā hogā, aisā karatā rahe to use honevālā hogā, aisā hī rahegā. parantu jisakī bhāvanāmeṁ khaṭak rahe to hī usakā kramabaddha puruṣārthake sāth juḍā hai. aisā kramabaddha aur puruṣārthakā sambandha hai. svabhāv, kāl, puruṣārtha ādi sab juḍe haiṁ.
mumukṣuḥ- pān̐coṁ samavāyakā mel hai. usameṁ puruṣārthakī mukhyatā hai.
samādhānaḥ- usameṁ puruṣārthakī mukhyatā (hai). sādhakako, rucivāleko sabako puruṣārtha- or, apanī or, apanī bhūl taraph usakī dr̥ṣṭi rahanī cāhiye ki merī kṣati hai. kramabaddha aur karmakā uday (lekar) jo apanī kṣati nahīṁ ginatā hai, usako dhīrāpan aur kacās rahegī hī. jo apanī kṣatikī or jātā hai, phir bhale kar nahīṁ sakatā, parantu apanī kṣatikī or hī usakī dr̥ṣṭi rahatī hai, vahī āge baḍhatā hai. aisā puruṣārtha aur kramabaddhakā sambandha hai.
mumukṣuḥ- kṣati hai, usameṁ koī aisā kahe ki isameṁ to doṣ par dr̥ṣṭi rahatī hai.
samādhānaḥ- doṣ par dr̥ṣṭi,.. guṇ par dr̥ṣṭi gayī, parantu jo sādhak daśā hai, usakī bhāvanāmeṁ sab ātā hai ki maiṁ paripūrṇa caitanyasvarūp jñāyak hū̃n. parantu merī nyūnatā hai. nyūnatākī or use vicār āye binā nahīṁ rahate. bhāvanā hue binā nahīṁ rahatī. kaise ye sab vibhāv chūṭe, maiṁ svabhāvameṁ rahū̃n. vibhāv chūṭe, puruṣārtha karun̐ aisī bhāvanā hī na ho, aisā nahīṁ hotā. donoṁ prakārakī bhāvanā to hotī hai. use doṣase kaise chūṭe? aur maiṁ svabhāv taraph dr̥ṣṭi karun̐, līn hoūn̐ to chūṭegā, aisā samajhatā hai. merī līnatākī kṣati hai. isaliye yah kṣati hai. mere guṇ pragaṭ ho to doṣ ṭale. aisā vah barābar samajhatā hai. parantu bhāvanā to sab prakārakī ātī hai.
merī kṣati hai, merā doṣ hai, maiṁ līnatā karun̐ to ho. aisī bhāvanā to ātī hai. ye rāg kaise chūṭe? yah kaise chūṭe? cāritra daśā kaise āye? kab vītarāg hoūn̐? aisī