324 ananta guṇ kis tarah hai? jñānakā jñān lakṣaṇ, ānandakā ānanda lakṣaṇ, cāritra cāritrarūp hai, (jñān) jānanekā kārya kare, ānanda ānandakā kārya kare. usake kārya par-se, usake lakṣaṇ par-se pahacān sakatā hai. use pahacānakar guṇabhedameṁ rukanā vah to vikalpa aur rāgamiśrit hai. vah to bīcameṁ āye rahatā nahīṁ. isaliye ek caitanya par akhaṇḍa dr̥ṣṭi karake aur us dr̥ṣṭimeṁ svayaṁ sthir ho to usameṁ-se use svānubhūti pragaṭ hotī hai. vikalpa ṭūṭakar maiṁ nirvikalpa tattva hūn̐, aise sāmānya astitva par, nij jñāyakake astitva par dr̥ṣṭiko niḥśaṁk karake usameṁ yadi sthiratā, līnatā, ācaraṇ kare to svānubhūti hotī hai.
do dravya bhinna haiṁ, ye to dikhatā hai. parantu bhedajñān to vibhāv-se karanā hai. ye to jñān karanā hai. ātmā ananta-ananta śaktioṁ-se bharapūr, ananta dravya usake pās āye to bhī apanā astitva rakhatā hai, aisī ananta śakti hai. isase atirikta usameṁ ananta guṇ hai, ananta dharma haiṁ, un sabakā jñān karaneke liye, usakā lakṣaṇ aur kārya par-se pahacān sakatā hai. phir usake bhed vikalpameṁ rukanā nahīṁ hai. vah guṇ to apanā svarūp hai. apane svarūpase guṇ bhinna nahīṁ hai. isaliye usakā jñān karake, guṇabhedameṁ nahīṁ rukakar, paryāyabhedameṁ nahīṁ rukakar svayaṁ nij caitanya par dr̥ṣṭi rakhe. mātra jān le ki yah guṇ hai, yah paryāy hai. guṇabhedameṁ rukanekā koī prayojan nahīṁ hai. use jānanekā prayojan hai. svayaṁ apanemeṁ sthir ho to svānubhūti pragaṭ hotī hai.
jo vibhāv hai, śubhabhāv ūn̐ce-se ūn̐cā ho to bhī apanā svarūp nahīṁ hai. usase svayaṁko bhinna karatā hai. lekin ise to vah jānatā hai ki yah paryāy ek aṁś hai, ye guṇ haiṁ ve svayaṁ ek-ek bhed hai, use jān letā hai. caitanya par akhaṇḍa dr̥ṣṭi kare, sāmānya par dr̥ṣṭi kare. usameṁ jo viśeṣ paryāy hai vah pragaṭ hotī hai. usameṁ darśan, jñān aur cāritra usameṁ sarva guṇāṁś so samyagdarśan, sarva guṇake aṁś pragaṭ hote haiṁ. aur usameṁ viśeṣ līnatā ho, līnatā hone-se munidaśā āye. aṁtarmuhūrta-aṁtarmuhūrtameṁ svarūpameṁ svayaṁ nirvikalpa daśāmeṁ bāraṁbār jamatā hai, usameṁ-se vītarāg daśā hotī hai. un sabameṁ bhinna-bhinna prakār-se aṭakanekī āvaśyakatā nahīṁ hai. usakā prayojanabhūt jān le, phir svayaṁ apanī niḥśaṁk pratīti-se līnatā karake āge baḍhe to usameṁ-se use samyagdarśan (hotā hai). samyagdarśanake binā to kuch hotā nahīṁ. āge baḍhakar līnatā aur vītarāg daśā usīmeṁ pragaṭ hotī hai.
mumukṣuḥ- bahut sundar bāt āpane kahī. ek to aisā kahā ki rāg-se bhinnatā (karanī hai). bhedajñān rāg-se karanekā hai. dravya-guṇ aur paryāyake bhedako jānakar avalamban jñāyakakā karane-se bhedakā sahaj jñān rah jāyagā, usameṁ aṭakanā nahīṁ hai.
samādhānaḥ- usameṁ aṭakanā nahīṁ hai. usakā bhedajñān nahīṁ karanekā hai. usakā