240
hai, parantu sākṣīrūp pariṇaman jo honā cāhiye, vah pariṇaman nahīṁ hai aur rāg-dveṣake sāth ekatvabuddhi hai. maiṁ rāgarūp ho gayā, dveṣarūp ho gayā. aisī pariṇati aur aisī mānyatā, aisī ekatvabuddhi ho gayī hai. pariṇati palaṭakar maiṁ jñāyak anādiananta śāśvat hū̃n. aisī pratīt aur aisī pariṇati aṁtarameṁ honī cāhiye ki maiṁ sākṣī hī hūn̐, jñāyak hī hū̃n. jñātārūp pariṇati pragaṭ kare aur vah pariṇati pragaṭ karanekā abhyās kare, vah jabatak sahaj na ho jāy tabataka. sahaj ho, tab usakā vāstavik sākṣīpanā hotā hai. sahaj daśā ho to sākṣī ho. pahale usakā prayatna kare ki maiṁ anādiananta śāśvat jñāyak hū̃n. kisīke sāth ekatvabuddhi, ekamek honā usakā svabhāv nahīṁ hai, parantu ekatvabuddhi mānyatāmeṁ bhram ho gayā hai. pariṇati ekatva ho gayī hai, use bhinna karake, maiṁ jñāyak hī hūn̐, pahale usakī pratīti dr̥ḍh kare ki maiṁ jñāyak hī hū̃n. aṁtar-se samajhakar pratīti kare. jñāyakakī dhārā yadi pragaṭ ho to use kṣaṇ-kṣaṇameṁ jñāyakakī dhārā sahaj rahe to sākṣībhāv rahe. lekin vah jñāyakadhārā rahatī nahīṁ, sākṣībhāv rahatā nahīṁ aur rāg- dveṣake sāth ekatvabuddhi ho jātī hai, isaliye sākṣī nahīṁ rahatā. mātra kalpanā-se raṭan karake sākṣī māne to vah rahatā nahīṁ. sahaj sākṣīpanā ho to rahe. sahaj nahīṁ hai, isaliye rahatā nahīṁ.
mumukṣuḥ- aṁtar-se samajhakar kare to. aṁtar-se samajhakar kare usakā artha?
samādhānaḥ- aṁtar-se samajhakar kare (arthāt) vah pariṇati pragaṭ kare to hotā hai. svānubhūti honeke bād jo sahaj pariṇatikī daśā ho, jo sākṣī jñāyakadhārākī, vah sahaj hai. usake pahale use abhyāsarūp hotā hai ki maiṁ jñāyak hūn̐, jñāyak hū̃n. abhyāsarūp kare. raṭanamātra kare to vah (vāstavik nahīṁ hai). kṣaṇ-kṣaṇameṁ jab rāg- dveṣ ho, us kṣaṇ jñāyak yadi maujūd rahe to ekatva nahīṁ hotā. usī kṣaṇ jñāyak rahatā nahīṁ aur dūsarī kṣaṇameṁ yād kare to us kṣaṇameṁ to use ekatva ho jātā hai. kṣaṇ-kṣaṇameṁ usakī pariṇatiko bhinna karanekā abhyās kare. kṣaṇ-kṣaṇameṁ maiṁ jñāyak hī hūn̐, maiṁ sākṣī hī hūn̐, aisā abhyās kare to bhī abhī abhyāsarūp hai. sahaj to bādameṁ hotā hai.
mumukṣuḥ- pahale to āpane praśnameṁ ek bhūl nikālī ki bāt-bātameṁ rāg-dveṣ ho jāte haiṁ. vāstavameṁ to svabhāv apekṣā-se rāg-dveṣ hote nahīṁ hai, parantu ekatvatā karatā hai.
samādhānaḥ- ekatvabuddhi hotī hai, ekatvatā hotī hai. vastu svabhāvameṁ rāg-dveṣ nahīṁ hote, parantu usakī ekatvabuddhi ho rahī hai. vartamānameṁ to, maiṁ rāgarūp ho gayā, dveṣarūp ho gayā, aise usakī pariṇati, aisī mānyatā ho gayī hai.