6 to hai nahīṁ. viśrāṁti aur ānanda ātmāmeṁ hai.
jo jñānasvabhāv hai, jo dravya hai vah ananta svabhāv-se bharā huā hai. aisā dravyakā svabhāv pahacānanā cāhiye. ānanda koī jaḍameṁ to hai nahīṁ. to ānanda-ānanda jo bhītarameṁ uṭhatā hai, vah ānanda koī caitanyatattvakā hai, koī jaḍ padārthakā to hai nahīṁ. to ānanda apane svabhāvameṁ hai. kyoṁki svānubhūti pahale nahīṁ hotī, usakī pratīt pahale hotī hai. to pratīt-aisā dr̥ḍh niścay karake apanī or prayatna karanā. aisī pratīt yadi dr̥ḍh hove to prayatna hotā hai. ruci, pratīt dr̥ḍh hotī hai to prayatna apanī taraph jātā hai. ruci aur pratīt dr̥ḍh nahīṁ hotī to prayatna bhī nahīṁ hotā.
mumukṣuḥ- yahān̐ .. aisā huā ki pahale vedanameṁ khyālameṁ ānā cāhiye ki mujhe jo bāharameṁ vr̥tti jātī hai vah ākulatārūp hai. to yahān̐ duḥkh lage aur yahān̐-se kaise haṭhe aur kahān̐ ḍhūn̐ḍhe? kahān̐ sukh milegā? aisī prakriyā śurū-se hī hotī hai?
samādhānaḥ- ākulatā to vedanameṁ ātī hai, parantu sukh kahān̐ hai, ye to usako svānubhūti nahīṁ hotī hai. ye donoṁ sāthameṁ hotā hai. svarūpako grahaṇ kare aur parase chūṭatā hai. vāstavameṁ to svabhāvako grahaṇ karate hī vibhāv-se chūṭ jātā hai. parantu vicār kare, ākulatā lakṣaṇ hai, aisā vicār kare, khyālameṁ le, lekin ānandakī svānubhūti nahīṁ hai, isaliye khyālameṁ nahīṁ ātā. parantu vicār-se nakkī karatā hai ki ānanda ātmāmeṁ hai, bāharameṁ nahīṁ hai. yathārtha svabhāvako grahaṇ kare tab ākulatā chūṭatī hai. svānubhūti hotī hai to vibhāv-se bhed ho jātā hai. vāstavameṁ to aisā hai. parantu pahale aisā kram paḍatā hai. bhāvanā, ruci aur nakkī karatā hai to aisā nakkī karatā hai ki yah ākulatā hai, mere ātmāmeṁ sukh hai.
vāstavikapane to astiko grahaṇ karatā hai to nāstitva ho jātā hai. yathārthapane asti grahaṇ kare to usako ... parantu ye dekhanemeṁ nahīṁ ātā, kyā karanā? ākulatā vedanameṁ ātī hai ki ye to ākulatā hai. ākulatāmeṁ sukh lage to usameṁ sukh mān- mānakar usameṁ ananta kālase khaḍā hai. yathārthapane yadi tujhe duḥkh lage to sukh teremeṁ hai, terī or pratīt karake muḍ jā ki sukh meremeṁ hī hai. aisā nakkī karake svabhāv taraph muḍakar usameṁ bhedajñān karake usameṁ sthir ho jā. svabhāvakī astiko grahaṇ kar le. vyavahār-se aisā kram ātā hai. bākī svabhāvakī asti grahaṇ kare to nāsti ho jātī hai. dravya jñāyak, akhaṇḍa jñāyakako grahaṇ karatā hai, dravya par dr̥ṣṭi karatā hai. vah astiko grahaṇ karatā hai. guṇakā bhed bhī nahīṁ, vah dravya par dr̥ṣṭi karatā hai.
mumukṣuḥ- puruṣārtha karaneke liye dr̥ḍh pratīti honī cāhiye ki meremeṁ hī sukh hai. vahān̐-se...