Benshreeni Amrut Vani Part 2 Transcripts-Hindi (iso15919 transliteration).

ṭrek-

246

aisā nahīṁ hai.

vah jñeyoṁkā svarūp jānatā hai. jñānameṁ sab jñeyoṁkā svarūp ātā hai. ananta jñey jo jagatameṁ haiṁ, chaḥ dravya, usake dravya-guṇ-paryāy, usakā bhūt-vartamān-bhaviṣya sab usake jñānameṁ ātā hai. yadi jñānameṁ na āye to use jñānasvabhāv kaise kaheṁ? jñānaguṇ use kahate haiṁ ki jisameṁ maryādā na ho, aisā guṇ ho. isaliye vah pūrṇa jānatā hai. jñānameṁ use sab ātā hai. upayog bāhar nahīṁ jātā, apanī pariṇatimeṁ rahakar, jñān jñānameṁ rahakar sab jānatā hai. aisā usakā svabhāv hai. isaliye svaparaprakāśak is tarah hai.

parameṁ jākar, usakā kṣetra choḍakar bāhar nahīṁ jātā hai. apane kṣetrameṁ rahakar jāne, yānī jñān jñānake svarūpako jāne, jñān jñānako jāne, aisā kahanemeṁ ātā hai. lekin vah jñān jñānako jāne isaliye usameṁ dūsarekā jñān ātā hī nahīṁ hai, aisā nahīṁ hai. pūre lokālokakā jñān, narka, svarga, pūre lokālokakā jñān, chaḥ dravya, usake dravya- guṇ-paryāy, bhūt-vartamān-bhaviṣya kuch na jāne, yadi vah nahīṁ jānatā ho to. jñānameṁ sab ātā hai. ataḥ jñān svaparaprakāśak hai.

kevalajñān hotā hai tab sahaj jñāt hotā hai, usakā svabhāv hī hai. nahīṁ hotā tabatak usakā adhūrā jñān hai. svayaṁ apane svarūpameṁ rahe isaliye usakā upayog bāhar nahīṁ hotā, isaliye nirvikalpatāke samay use bāharakā upayog nahīṁ hai. bākī usake jñānakā nāś nahīṁ huā hai. jñānakī śakti to amaryādit hai.

mumukṣuḥ- matalab upayogātmak rūpase bāharakā jānanā us vakta nahīṁ hotā.

samādhānaḥ- nahīṁ hai, upayogātmak nahīṁ hai. bākī usameṁ aisī jānanekī śakti nahīṁ hai, aisā nahīṁ hai. pratyabhijñān... jñān to hai, aisā svabhāv hai. to bhūtakālakā kuch jāne hī nahīṁ, bhaviṣyakā kuch jāne hī nahīṁ. aisā nahīṁ hai. kevalajñān hone- se pahale pūrvakā sab jāne aisā usakā .. hai. nahīṁ hai, aisā nahīṁ.

mumukṣuḥ- pūrvakā jānatā hai, vartamān jānatā hai aur bhaviṣyakā..

samādhānaḥ- bhaviṣyakā jāne, sab jān sakatā hai. aisā usakā svabhāv hai. usakī diśā par taraph-jñey taraph (hai). terī diśā badal de. terī diśā svasanmukh kar de. tere svadravya taraph terī diśā badal de. bākī kuch jñāt nahīṁ hotā hai, aisā nahīṁ hai. apanī pariṇati sva-or gayī aur upayog svayaṁ nirvikalpa svarūpameṁ sthir huā, isaliye bāharakā upayog nahīṁ hai, isaliye jñāt nahīṁ hotā. usakā svabhāv nāś nahīṁ huā. vah adhūrā jñān hai isaliye kram-kram-se jñān jānatā hai. upayog andar sthir ho gayā, isaliye bāharakā jñāt nahīṁ hotā.

mumukṣuḥ- upayogātmak sthiti alag hai aur svabhāvakī sthiti..

< Previous Page Next Page >