mumukṣuḥ- param upakārī, param pavitra ātmā, param pūjya bhagavatī mātānī pavitra sevāmāṁ. he bhagavatī mātā! ā bharat sadāy āpanā darśan karavā khūb-khūb utsuk rahatā hai. yah jīv āpake mukh-se dharmake do śabda sunaneke liye atyaṁt tarasatā rahatā hai. āpakī mulākātake vakta khaḍe honekā man nahīṁ hotā. hamārā prem ati bhāvāveśameṁ āpako darśā nahīṁ sakate. netra aśru-se bhar jāte haiṁ. isaliye āj atyaṁt gadagadit hokar mere bhāvāveśako is patra dvārā darśāye binā rah nahīṁ sakatā.
pūjya gurudev dvārā jo apūrva prem jñānī bhagavaṁtoṁke prati pragaṭ huā hai, vah ab hr̥dayake pātālako toḍakar bāhar āyā hai. lācār hūn̐, bhagavaṁt! maiṁ lācār hū̃n. maiṁ koī avajñā, avinay karatā hoūn̐ to hāth joḍakar pratham hī kṣamāyācanā karatā hū̃n.
aise to āścarya jaisā hai ki man-se to sadā hī āpako sākṣāt daṁḍavat praṇām hī hote haiṁ. pūjya gurudevakī sātiśayatā yukta vāṇī-se mohakī keleke vr̥kṣakī puṣṭa huyī gān̐ṭh itanī kamajor hone lagī hai ki ahaṁkār, abhimān, ghamaṁḍ ityādi sab meremeṁ cūr-cūr ho rahe haiṁ. isaliye tanakar calanekī śakti vahān̐ sonagaḍhameṁ kahān̐ hai? jñāniyoṁke caraṇoṁmeṁ choṭe pillakī bhān̐ti loṭ lūn̐, aise bhāv niraṁtar vedanameṁ āte haiṁ. kamāl hai, mātā!
dhanya ho mātā! caudah brahmāṇḍake anantā ananta jīv sukhake nām par jo sarāsar duḥkh bhogate haiṁ, aisemeṁ āp sva brahmāṇḍameṁ ānandakī ghūṁṭ pī rahe ho. jo ananta jīv nahīṁ kar sake, us kāryako āpane sahaj sādhya kiyā. pūjya gurudev to kahate the ki āpako aisī svarūpadhārā vartatī hai ki yadi āpakā puruṣakā deh hotā to bhāvaliṁgī santa banakar vanameṁ vicarate hote. aho..! āpakī yah svānubhav daśāke premī, hameṁ atyaṁt prem pragaṭ hotā hai.
ek strī paryāy honeke bāvajūd gajab puruṣārthakā prāraṁbh kiyā hai. puruṣ nām dhāraṇ karanevāle hamako atyaṁt-atyaṁt dhikkār utpanna hotā hai ki aisā nām dhāraṇ karaneke lāyak ham vāstavameṁ nahīṁ hai. jagatakī racanā bhī, mātā! aho! bhagavatī mātā! kitanī vicitra hai ki jinheṁ aṇumātra nahīṁ cāhiye, unake ān̐ganameṁ pudagaloṁke ṭhāṭhakī racanā