248
ṭikāyā hai, yah koī kam āścaryakī bāt hai?
aise nikr̥ṣṭa kālameṁ bhāvaliṁgī saṁtoṁke darśan bhī jahān̐ nahīṁ hote haiṁ, vahān̐ āp ekamātra aise samakitī bhagavaṁtako ham kaise choḍ sakate haiṁ? ham to āpake caraṇoṁmeṁ hī āyuṣya pūrṇa karanekī icchā rakhate haiṁ.
pūjya gurudevane kahā hai ki tū tere bhagavān ātmākī śaraṇ le le. vah bhagavān ātmā phir ek samayamātra bhī virah nahīṁ karavāyeṁge. mātā! vah bhagavān ātmā grahaṇ nahīṁ ho rahā hai aur hamārī ulajhanakā koī pār nahīṁ hai. kahīṁ rucatā nahīṁ hai, har jagah jahar-jahar lagatā hai. are..! mahā bhāvaliṁgī santa gajasukumāl par to aṁgārekī sigaḍī mātra cār-chaḥ ghaṇṭeke liye hogī, hamāre sar par to in vikalpoṁkī bhaṭṭhī jal rahī hai, jalātī hai, hairān-pareśān karatī hai. ham vah gajasukumālakī sigaḍī icchate haiṁ, parantu yah bhaṭṭhī nahīṁ cāhiye, nahīṁ cāhiye. bacāo usake trāsase, mātā! bacāo. jñānī bhagavaṁtake prati apūrva prem pragaṭ hue binā is bhaṭṭhīse bacanekā upāy prāpta nahīṁ hogā.
hamārī yah pāmar daśā hī aisī sūcit karatī hai ki hameṁ āpake prati saccī bhakti utpanna nahīṁ huyī hai. dhanya ho vītarāg mārga! dhanya ho! śāstrameṁ mārga hai parantu marma to āp jñāniyoṁke hr̥dayakamalameṁ virājatā hai. suvarṇapurīke mumukṣu āp dvārā prakāśit marmako prāpta hoṁ, aisī bhāvanā hotī hai. santa binā aṁtakī bātakā aṁt prāpta nahīṁ hotā.
pūjya gurudev dvārā mārga samajhameṁ āneke bād yah mastak āp samakitī bhagavaṁtako arpaṇ ho gayā. sacce dev-guru aur dharmake sivāy prāṇānta hone par bhī kahīṁ naman ho sake aisā nahīṁ hai. are..re..! ūparakā 31 sāgaropamavālā dev ākar cakravartī jaisī r̥ddhi-siddha de to bhī kuch nahīṁ ho sakatā. kyoṁki āpake caraṇoṁmeṁ namā huā mastak kahīṁ aur nahīṁ namegā.
bhagavān kundakundācāryako āp mile the. bhagavān trilokīnā. sīmaṁdhar bhagavānakī bhī āpane bheṁṭ kī thī. in sab bātoṁ-se netra aśrānvit ho uṭhate haiṁ. isaliye samayasār ādi śāstroṁke prati apūrva-apūrva prem ātā hai. aise abhūtapūrva kartākā pramāṇ dekar ham par jo ananta upakār huā hai, pūjya gurudevakī pahacān bhī āpane hī karavāyī ki yah tīrthaṁkar dravya hai. ham pāmar āpake alāvā yah bāt kaise jān pāte?
śrī tīrthaṁkarake gamanameṁ dev ekake bād ek kamalakī racanā karate haiṁ. ham mumukṣu āpake upakārake badalemeṁ āpake gamanake samay ekake bād ek ... mulāyam paṁth banāye to bhī kam hai.
mātā! likhanemātra yah śabda nahīṁ hai. āpake param upakār-se bhīge huye ye śabda