249
ātā hai. guru jo sādhanā karate haiṁ, un par use ādar hai. aur śāstrameṁ jo mārga batāyā hai, un sab par use ādar rahatā hai. use śubhabhāvanāmeṁ rahatā hai.
mumukṣuḥ- gurudevakī sādhanā, gurudevakī sādhanābhūmi..?
samādhānaḥ- sab par bhāv rahatā hai. bhagavaṁtoṁne jo sādhanā karī, vah sādhanā. bhagavān, guru aur śāstra sab par (bhāv rahatā hai). jahān̐ ve rahe, jahān̐ unhoṁne sādhanā kī, un sab par bhāv rahatā hai. jaise tīrthakṣetra haiṁ, jahān̐-se tīrthaṁkar mokṣa padhāre, use tīrthakṣetra kahate haiṁ ki jahān̐ unhoṁne kevalajñān pragaṭ kiyā, jahān̐-se nirvāṇako prāpta hue, vah sab tīrthakṣetra sammedaśīkhar ādi kahanemeṁ āte haiṁ.
is paṁcamakālameṁ gurudev sarvasva the. gurudevane is paṁcamakālameṁ padhārakar unhoṁne jo mārga batāyā, ve guru jahān̐ virāje, unhoṁne jahān̐ sādhanā karī, vah bhūmi bhī vaṁdanīy hai. vah bhī ādarane yogya hai. vah saba. dravya, kṣetra, kāl, bhāvakā sabakā use ādar hotā hai.
mumukṣuḥ- samyagdarśanake binā sab (śūnya hai), to samyagdarśan kise kahate haiṁ? aur use gr̥hastha daśāmeṁ saṁsārameṁ magna jīv kyā samyagdarśan prāpta kar sakate haiṁ?
samādhānaḥ- samyagdarśanake binā bāharakā bahut kiyā. kriyāen̐ kare, bāharakā ātmāko pahacāne binā sab kare, binā aṁkake śūnya haiṁ. mūlako pahacānatā nahīṁ hai. vastu kaun hai? ātmā kaun hai? mokṣa kisakā karanekā hai? kyā hai? sabako pahacāne binā bāharakā ananta kāl bahut kiyā. vrat liye, munipanā liyā, sab liyā parantu aṁtar ātmāko pahacānā nahīṁ to bāharakī kriyā, mātra śubhabhāv kiye to puṇyabandha huā. parantu ātmāko pahacāne binā ātmākī mukti nahīṁ hotī aur svānubhūti samyagdarśan binā sab vyartha hai.
mukti to aṁtar ātmāmeṁ hī hotī hai. kahīṁ bāhar jāy isaliye mokṣa ho, aisā nahīṁ hai. aṁtar ātmā mukta svabhāv hai use pahacāne, use bhinna kare. usakā bhedajñān kare to usakī mukti hotī hai. aur samyagdarśan bhī vahī hai. bhedajñān karake ātmākī svānubhūti ho vahī samyagdarśan hai. sthūlapane māne ki nau tattvakī śraddhā samyagdarśan hai. nau tattvakī śraddhā arthāt ātmākī pahacān karanī cāhiye. aise bhed-bhed karake vikalpa- se ātmāko pahacāne aisā nahīṁ. ye jīv, ye ajīv, āsrav, saṁvar, bandha (aise nahīṁ). mūl ātmākā svabhāv pahacānanā cāhiye.
ātmā kaun hai? ek abhed caitanyatattva hai. ananta guṇ-se bharā ātmā, use vibhāv- se bhinna, śarīr-se bhinna, sab-se bhinna ek ātmā hai. vibhāv, vikalpa jo hai vah bhī ātmākā svabhāv nahīṁ hai. usase bhī ātmā bhinna hai. vah jñānasvabhāv-jñāyak svabhāv ātmā hai, use bhinna karake usakā bhedajñān kare. aur aṁtarameṁ vikalpa rahit nirvikalpa