250
vah gati hī hai. kaun-sī gati milegī aur kahān̐ jānā hai? vahān̐ sukh thoḍā hī hai. .. śraddhā ho to andar samādhān rahe. ātmā jahān̐ bhī jāy, vahān̐ ātmā to śāśvat hī hai. karma jo hai, vah kahīṁ bhī sāthameṁ hī ānevālā hai. dūsare bhavameṁ jāy isaliye yahān̐ jo karmakā uday āyā vah uday yahān̐ pūrā ho jāyagā? karmakā uday to sāthameṁ hī rahanevālā hai. isaliye karmakā uday yahān̐ bhoganā yā dūsare bhavameṁ bhoganā, sab samān hai. ataḥ yahān̐ śānti-se bhog lenā.
kahate haiṁ na? bandha samay jīv cetīye, uday samay śā ucāṭ? jis samay tere pariṇāmameṁ bandha hotā hai, us vakta tū vicār karanā ki yah pariṇām mujhe na ho. mujhe dev-guru-śāstrake pariṇām ho. us vakta tū vicār karanā. parantu jab karmakā uday ātā hai, jab bāharameṁ usakā saṁyog āve, pheraphār ho pratikūlatākā, tab tū badal nahīṁ sakatā. tab to śānti aur samādhānake alāvā koī upāy nahīṁ hai. ab-se mujhe aise pariṇām na ho usakā dhyān rakha. bākī uday āneke bād hāthameṁ kuch nahīṁ rahatā.
aisā jīvan honā cāhiye ki dev-guru-śāstrakī bhakti evaṁ ārādhanā, ātmākī ārādhanā kaise ho, usake sātha. ātmākī ārādhanā. gurudevane, śāstrameṁ jo kahā, use ārādhanā kahate haiṁ. aisā jīvan honā cāhiye. is paṁcamakālameṁ aise guru mile, aisā mārga mile, aisā samajhanā (mile), ātmākī bāt koī samajhatā nahīṁ thā, ātmākī bāt gurudevane samajhāyī. gurudevane bhagavānakī pahacān karavāyī. bhagavānakā svarūp vītarāg hotā hai ādi sab gurudevane (samajhayā). puṇyake kāraṇ aisā yog milā. usameṁ svayaṁko apanī ātma ārādhanā karane jaisī hai.