Benshreeni Amrut Vani Part 2 Transcripts-Hindi (iso15919 transliteration).

ṭrek-

254

mumukṣuḥ- .. upayog ātmākī taraph pahun̐cakar ekāgra nahīṁ ho sakatā.

samādhānaḥ- ruci hove tab hove na. ruci bāhar hove to upayog kahān̐-se lagegā? ruci sva taraph jāy to upayog lage. ruci badal denī. ātmā hī prāpta ho, ātmā hī prāpta ho, aisī ruci honī cāhiye.

mumukṣuḥ- mātājī! ham svādhyāy karate haiṁ, vāṁcan-vicār karate haiṁ, maṁthan karate haiṁ, phir bhī ātmānubhūti hotī nahīṁ hai. to hameṁ aisā koī upāy batāo ki jisase ham ātmānubhūti karake apanā ... kar le.

samādhānaḥ- vicār, vāṁcan sab hoeve to bhī pariṇati bhītarameṁ palaṭanī cāhiye na. puruṣārtha karake pariṇati palaṭanī. pariṇatiko palaṭānā cāhiye. vicār, vāṁcan (kare). maiṁ kaun hūn̐? yah vibhāv hai. maiṁ caitanyatattva hū̃n. merā svabhāv kyā hai? usako lakṣaṇ- se pahacānanā cāhiye. lakṣaṇ-se pīchāne binā, bhītarameṁ-se pīchān kiye binā vah hotā nahīṁ. bāhar-se vicār, vāṁcan sab hotā hai to bhī lakṣya to mujhe śuddhātmā kaise pragaṭ ho, aisā dhyey honā cāhiye. aisā puruṣārtha honā cāhiye. bāraṁbār puruṣārtha karanā cāhiye. maiṁ caitanya hūn̐, jñāyak hū̃n. paradravyakā kartā hotā hai, vibhāvakī kartābuddhi ṭūṭakar jñāyak- jñātākī pariṇati honī cāhiye. pariṇati to apaneko karanī hai, vah koī kar nahīṁ detā. anādi kāl-se paribhramaṇ huā, ekatvabuddhi-se huā hai. aur caitanyako vibhakta- maiṁ usase vibhakta-bhinna hūn̐, aisā bhinnatākā jñān, bhinnatākī pariṇati honī cāhiye. to ho sakatā hai.

mumukṣuḥ- par-se bhinna ātmākī ruci ..

samādhānaḥ- ruci to apaneko karanī paḍatī hai. ruci kauī nahīṁ kar detā hai. parameṁ ruci rahatī hai, parameṁ sarvasva mān letā hai, sabakuch parameṁ hai. aisī ruci rahatī hai. mere ātmāmeṁ sarvasva hai. parameṁ nahīṁ hai. sabakuch jñān, ānanda sab mere ātmāmeṁ hai, bāharameṁ nahīṁ hai. bhītarameṁ aisī pratīt honī cāhiye to pariṇati palaṭatī hai. ruci to apaneko karanī paḍatī hai.

bāharameṁ sukh nahīṁ hai. bāharameṁ ākulatā-ākulatā hai. vibhāvameṁ ākulatā hai. paradravyameṁ dr̥ṣṭi karanemeṁ sab ākulatā hai. nirākul svabhāv aur ānanda svabhāv merā hai. to ruci palaṭatī hai.

mumukṣuḥ- gurudevaśrīke pravacanameṁ āyā hai, samayasār 17-18 gāthāmeṁ, ki jñānakā svabhāv svaparaprakāśak hone-se ābālagopālako sabako bhagavān ātmā jānanemeṁ ātā hai. to ajñānīko kaise svaparaprakāśak svabhāv hai, vah khyālameṁ nahīṁ āyā?

samādhānaḥ- ajñānīko bhī svaparaprakāśak svabhāv kahīṁ nāś nahīṁ hotā hai. ātmākā

< Previous Page Next Page >