kiyā to bhinnatā anusār svayaṁ bhinna kārya karatā nahīṁ hai. mātra buddhimeṁ nirṇay karatā hai. parantu bhinnatākā abhyās nahīṁ karatā hai. bāraṁbār use ṭikātā nahīṁ hai. aur vah buddhipūrvak vikalpa-se karane jāy to upādhi aur ākulatā ho jāy ki ise kaise ṭikānā? ek jātakā prayās vah nahīṁ kar sakatā hai. parantu vah sahajapane kaise ho, usakī bāraṁbār laganī, abhyās bāraṁbār ṭikāye rakhe.
nirṇay kiyā usakā kārya lātā nahīṁ hai. maiṁ bhinna hūn̐, aisā nakkī kiyā lekin bhinnatārūp kārya nahīṁ lātā hai. jo-jo pariṇatikā uday ātā hai, usī vakta maiṁ bhinna hūn̐, bhinna rahanekā, us prakār-se apanī pratītiko ṭikānekā vah udyam nahīṁ karatā hai aur kārya lātā nahīṁ. isaliye āge nahīṁ baḍhatā hai. nirṇay karake choḍ detā hai, nirṇay karake choḍ detā hai.
mumukṣuḥ- chūṭ jātā hai, mātājī!
samādhānaḥ- bhale chūṭ jātā hai. utanā prayās usakā āge calatā nahīṁ hai, chūṭ jātā hai. chūṭ jātā hai, bāraṁbār use ṭikatā nahīṁ hai. parantu vikalparūp-se, abhyās- rūp-se bhī ṭikātā nahīṁ hai. vikalparūp-se yā abhyāsarūp-se ṭikāye to use āge jākar sahaj honekā avakāś hai. parantu vah use ṭikatā nahīṁ hai, chūṭ jātā hai. isaliye jo pariṇati hai us taraph dauḍā jātā hai. vikalpameṁ, bhāvameṁ use rucimeṁ lage ki maiṁ bhinna hū̃n. parantu bhinnakā bhinnarūp kārya to hotā nahīṁ. buddhimeṁ rahatā hai aur kārya hotā nahīṁ.
mumukṣuḥ- rāgameṁ ekatā to turanta dikhatī hai ki ekatā yahān̐ ho gayī.
samādhānaḥ- hān̐, ekatā ho jātī hai. bhinna bhinnarūp kāryarūp hotā nahīṁ. isaliye vah kārya nahīṁ hotā hai. vah dūr jāy to use bhinnatārūp kārya lānekā hai. bhinnatākī pariṇati karake kārya lānekā hai, vah kar nahīṁ sakatā hai. bāraṁbār aise hī khaḍā rahatā hai. usameṁ use mahenat paḍatī hai, isaliye vah karatā nahīṁ.
mumukṣuḥ- usameṁ mahenat kis prakārakī?
samādhānaḥ- use sahaj (nahīṁ hotā). vah sahaj hai isaliye vahān̐ dauḍā jātā hai, anādikā abhyās hai vah sahaj ho jātā hai. isameṁ use diśā palaṭanī hai vah chūṭ jātā hai. buddhipūrvak karake chūṭ jātā hai, bāraṁbār chūṭ jātā hai. isaliye utanī rucikī mandatā hai, puruṣārthakī mandatā hai. isaliye vah chūṭ jātā hai.
utanī lagan lagī ho ki bas, yah caitanya hī (cāhiye), caitanya binākī pariṇati mujhe cāhiye hī nahīṁ. mujhe caitanyakā hī astitva cāhiye. yah astitva mujhe nahīṁ cāhiye. utanī andar-se lagan, mahimā aur rucikī ugratā ho to usakā puruṣārtha ṭikā rahatā