Benshreeni Amrut Vani Part 2 Transcripts-Hindi (iso15919 transliteration).

amr̥t vāṇī (bhāg-6)

102 rūpī vastukī madadakī āvaśyakatā nahīṁ hai. bīcameṁ nimitta hotā hai utanā. bākī svayaṁ usake lakṣaṇ-se jān sakatā hai. dev-guru-śāstrakā nimitta hotā hai, parantu upādān svayaṁ taiyār karake jāne to svayaṁ apaneko jñān dvārā jñāyak jñāt hotā hai.

mumukṣuḥ- vikalpa dvārā nahīṁ?

samādhānaḥ- vikalpa-se jñāt nahīṁ hotā. vikalpa bīcameṁ ātā hai, parantu vikalpa- se jñāt nahīṁ hotā, jñāyak jñān-se jñāt hotā hai.

mumukṣuḥ- salāh denevālā mithyādr̥ṣṭi hai use rāgakā hī svabhāv vartatā hai, jñāyakakā jñān nahīṁ vartatā, to usakā kaise karanā?

samādhānaḥ- nahīṁ vartatā hai use prayatna karake jānanā cāhiye. rāgakā jñān usase bhinna hokar, puruṣārtha karake svayaṁ svasanmukh diśā badalanī cāhiye, to jñāt hotā hai. anādikā jo abhyās hai usameṁ calā jātā hai. aṁtarameṁ dekhatā nahīṁ, isaliye mātra rāgakā jñān vartatā hai. sva taraph upayog karake sva taraph muḍanā cāhiye, to jñāt ho. usakī diśā badalanī cāhiye, use palaṭanā cāhiye to jñāt ho.

diśā badalatā nahīṁ hai, ek hī diśāmeṁ calā jātā hai. use palaṭanā cāhiye. mārga par calatā huā manuṣya ūlaṭī diśāmeṁ calatā ho, vah palaṭe to dūsarī diśāmeṁ muḍ sakatā hai. gurudevane to bahut batāyā hai. kaun-sī diśā, kis or muḍanā vah batāyā, parantu muḍanā apane hāthakī bāt hai.

mumukṣuḥ- koī āsān tarīkā batāīye na.

samādhānaḥ- vah āsān hī hai. āsānameṁ āsān vah-jñān lakṣaṇ-se ātmāko pahacānanā. vah saral-se saral hai. usameṁ bāharakā kuch karanā nahīṁ hotā, yā usameṁ kuch bāhar-se kaṣṭa karanā yā dūsarā kuch nahīṁ ātā. tere svasanmukh upayog karake, sūkṣma dr̥ṣṭi karake aṁtarakī laganī aur mahimā lagākar tū aṁtarameṁ jā. aṁtarameṁ dekh, usakā bhedajñān kar ki yah bhinna hai, rāg bhinna aur jñān bhinna hai. aisā bhedajñān kar, aṁtar-se nyārā ho jā, vah saral-se saral upāy hai. usakī lagan lagā, mahimā lagā, vah sab kara. vah saral upāy hai.

bāharakā sab hai vah use saral lagā hai. vah to par padārtha hai. use apanā karaneke liye prayatna kiyā to bhī vah apane hote nahīṁ. us sarva upāy niṣphal hai. vah use saral lagatā hai vah durlabh hai, aur yah apanā saral hai vah use durlabh ho gayā hai.

mumukṣuḥ- ..

samādhānaḥ- jānanevālā hai. aisā pūrā jānanevālā maiṁ hū̃n. jo jāṇakatattva hai pūrā jānan svabhāv-se bharā hai. jisameṁ nahīṁ jānanā aisā kuch nahīṁ hai. aisā jānanevālā

< Previous Page Next Page >