258
samādhānaḥ- aṁtar nivr̥tti māne aṁtarameṁ anek jātakī vikalpakī jālameṁ rukatā ho, anek jātake vikalpameṁ rukatā ho, usameṁ-se svayaṁ chūṭakar bāraṁbār caitanya taraph jānā, vah aṁtar nivr̥tti hai. anek jātakī jālameṁ rukatā ho, (usameṁse bāhar nikalakar) caitanya taraphakā vicār karanā, caitanya taraph yah maiṁ hūn̐, aise apaneko grahaṇ karanā. vikalpakī jālakī pravr̥tti āḍe vah bār-bār ātī hai, isaliye vah use gauṇ ho jātā hai. isaliye vikalpakī jālakī pravr̥tti kam karake apanī orakā abhyās baḍhāye, vah aṁtar nivr̥tti hai.
vāstavik nivr̥tti to svayaṁ jñāyakakā jñāyakarūp pariṇaman ho jāy to vāstavik nivr̥tti hai. parantu anya vikalpa kam karake caitanya taraphakā abhyās baḍhāye to bhī aṁtar nivr̥tti hai.
mumukṣuḥ- āpake pās-se yah mārgadarśan bahut sundar milatā hai ki anubhav pūrva kis prakār āge baḍhanā, yah bahut sundar rīt-se āpase khyālameṁ ātā hai.
mumukṣuḥ- nyāy utanā gaṁbhīr aur dr̥ṣṭānta itanā sarala. pahacānameṁ ātā hai, aur kah nahīṁ sakatā ki kaise pahacānā? sab ek sarīkhe dikhate haiṁ phir bhī kaise alag karatā hai?
samādhānaḥ- usake lakṣaṇ-se pahacānā aisā kahe. parantu kyā lakṣaṇ, vah kah nahīṁ sakatā. kisīkī āvāj par-se (pahacān karatā hai). sabake āvāj bārīk ho to āvāj par-se kahatā hai ki yah phalānā manuṣya hai. āvājameṁ kyā pharka paḍā use kah nahīṁ sakatā hai. svayaṁ jñānameṁ grahaṇ kar letā hai ki isakī āvāj yah hai, isaliye yah manuṣya hai. is prakār svayaṁ grahaṇ kar letā hai. aise lakṣaṇ-se rūpīko pahacān letā hai.
parantu apane jñānalakṣaṇ-se jñāyakako pahacānanemeṁ muśkil paḍatī hai. usameṁ binā vikalpa, binā tarka pahacān letā hai, niḥśaṁkapane pahacān letā hai. bāraṁbār caitanyakā abhyās kare, usameṁ ulajhanameṁ na ā jāy, usameṁ ākulatā na ho, parantu bhāvanā rakhe. bahut ākulatā kare ki kyoṁ hotā nahīṁ? to use bahut ulajhan ho to āge nahīṁ baḍh sakatā. parantu amuk prakārakī bhāvanā-se āge baḍhatā hai. ulajhanameṁ ā jāy to dikkat ho jāya.
mumukṣuḥ- ulajhanameṁ na ā jāya. mārga nikālatā jāya.
samādhānaḥ- mārga nikālatā jāya. bāharakī takalīphameṁ-se jaise mārga nikālatā hai, vaise aṁtarameṁ svayaṁ rāstā nikālatā hai. koī vikalpakī jālameṁ nahīṁ ulajhakar svayaṁ rāstā nikālakar caitanyakā abhyās kaise baḍhe? is tarah svayaṁ rāstā nikālatā hai.