258
nahīṁ thā. aṁtarakī jñāyakakī ugratā-se kahatī thī. apanī bhāvanā, puruṣārthake jorameṁ kahatī thī.
mumukṣuḥ- anubhav pūrvakā viśvās bhī gajabakā!
samādhānaḥ- is puruṣārthakā jor aisā hai ki ākhir tak pahun̐cakar hī chūṭakārā karegā.
mumukṣuḥ- .. paḍhā thā, usameṁ āyā thā ki bharat cakravartī subah uṭhakar roj pahale anubhav karate the, nirvikalpa daśāmeṁ ek bār āte the. usake bād hī prātaḥkālameṁ āge baḍhate the.
samādhānaḥ- aisī dhyānadhārā svayaṁ karate haiṁ, isaliye nirvikalpa daśā ātī hai. aisā. us jātakī apanī vartamān pariṇatikī ugratā karate haiṁ to nirvikalpa daśā ātī hai. bhūmikā samyagdarśanameṁ palaṭatī hai vah usakī vartamān cāritra līnatākī daśākī ugratā vah vartamānameṁ karatā hai. svānubhūti kaise jaldī karun̐, usake bajāy usakī vartamān virakta daśā baḍh jātī hai ki vah gr̥hasthāśramameṁ bhī rah nahīṁ sakate. aisī usakī līnatā utanī baḍh jātī hai ki vartamān līnatā baḍhane-se svānubhūti tvarā-se hotī hai. isaliye chaṭhaveṁ- sātaveṁ guṇasthāneṁ aṁtarmuhūrta-aṁtarmuhūrtameṁ unakī daśā tvarā-se hotī hai. unakī līnatā, vartamān līnatā utanī baḍh jātī hai.
vartamān cāritrakī daśā, viraktikī daśā unakī savikalpatāmeṁ līnatākā jor utanā baḍh jātā hai ki nirvikalpa daśā unheṁ śīghratā-se ātī hai. nirvikalpa daśā, unakī vartamān cāritradaśā, unakī vartamān dhyānakī ugratā cāritrakā vah kārya hai. apanī cāritradaśākī ugratāke kāraṇ vah śīghratā-se hotī hai. aṁtarakī ugratā, aṁtarameṁ vartamānakī jo ugratā hotī hai usase usakā kārya hotā hai. vītarāg daśā unheṁ chaṭhaveṁ-sātaveṁ guṇasthānameṁ baḍhatī jātī hai vartamānameṁ, ataḥ usameṁ śreṇī lagāte haiṁ. śreṇī lagāūn̐ aisā unheṁ nahīṁ hotā. unheṁ vītarāg daśākī ugratā hotī jātī hai. isaliye śreṇī caḍhate haiṁ. unakī sthiti aisī ho jātī hai ki aṁtarameṁ gaye so gaye, phir bāhar hī nahīṁ āte haiṁ. itanī ugratā ho jātī hai isaliye śreṇī caḍhate haiṁ. utanī vītarāg daśā baḍh jātī hai.
vaise gr̥hasthāśramameṁ unakī vartamān jñātādhārākī ugratā, unakī līnatā, daśākī viraktimeṁ utanī gati hotī hai, isaliye svānubhūtikī daśā unheṁ hotī hai. unakī līnatāke kāraṇ vah kārya ātā hai. svarūpācaraṇ cāritra caturtha guṇasthānameṁ hotā hai. parantu usakī bhī tāratamyatā hotī hai. kisīko ugra hotī hai. bhūmikā palaṭe usameṁ to līnatākī ugratā adhik baḍh jātī hai.