Benshreeni Amrut Vani Part 2 Transcripts-Hindi (iso15919 transliteration).

ṭrek-

260

127

mumukṣuḥ- saṁskārako nirarthak karanevālā hai,..

samādhānaḥ- vah apekṣā alag hai. dravya-se nirarthak karanevālā hai. saṁskār sārthak kare, dravya apekṣā-se saṁskār nirarthak hai. vastumeṁ vah nahīṁ hai. mūl svabhāv... paryāyakī bāt hai. paryāy palaṭ jātī hai, parantu vyavahār yānī kuch nahīṁ hai, aisā nahīṁ hai.

mumukṣuḥ- tū puruṣārtha-se kām kare to saṁskārako nimitta kaheṁ. ...

samādhānaḥ- nigodameṁ-se nikalakar turanta vah hote haiṁ aur phir manuṣya banakar turanta... usameṁ saṁskār kahān̐ the? terā svabhāv jñāyak hai, vahī terā saṁskār hai. terā svabhāv hai vaha. terā svabhāv hī jñāyakarūp rahanekā hai. to jñānasvabhāvī hai, vah terā jñānasvabhāv hī tujhe terī pariṇati hī ... tujhe yadi aṁtarameṁ-se aisā hogā to terā svabhāv hai vah svabhāv hī saṁskārarūp hai.

tū cetanatā-se bharā hai, kahīṁ jaḍ terā svabhāv nahīṁ hai. cetan taraph terī pariṇati, cetanadravya hai vah terī pariṇati, use terī or khīn̐cegī. terā svabhāv hai. dravya hī paryāyako pragaṭ honekā kāraṇ banatā hai. dravya par dr̥ṣṭi gayī. terī paryāy yathārtha samyakarūp pariṇamit ho jāyegī. terā svabhāv hī samyakarūp hai. yathārtha jñānasvabhāv hai. vah svabhāv hī usakā kāraṇ hai. sīdhī tarah-se dravya hī usakā kāraṇ banatā hai.

saṁskār ek pariṇati hai. pariṇati usakā kāraṇ ho, vah vyavahār huā. dravya hī usakā mūl kāraṇ, dravya hī kāraṇ hai. niścay-se terā mūl svabhāv jñāyak hī hai, vah svabhāv hī usakā kāraṇ banatā hai. nigodameṁ-se nikalatā hai, vah usakā svabhav hai. vah svabhāv nahīṁ hai, maiṁ to yah caitanya hūn̐, yah maiṁ nahīṁ hū̃n. svabhāv par dr̥ṣṭi gayī, vahān̐ pariṇati palaṭ jātī hai. vahān̐ pahale saṁskārako dr̥ḍh karanā paḍā yā maiṁ jñāyak hūn̐, aisā abhyās karanā paḍā, aisā kuch nahīṁ hai. sab abhyās ekasāth hī ho gayā. maiṁ jñāyak hī hūn̐, aisā ekadam jaldī dr̥ḍhatā ho gayī to aṁtarmuhūrtameṁ ho gayā. aur saṁskār arthāt bār-bār, bār-bār der lage, manda puruṣārthake kāraṇ der lage, maiṁ jñāyak hūn̐, jñāyak hūn̐, aisī pariṇati sahajarūp-se dr̥ḍh nahīṁ huyī, isaliye bār-bār, bār-bār adhik kāl abhyās kiyā, isaliye use saṁskār kahā. usameṁ to abhyās karanā kuch rahā hī nahīṁ, turanta ekadam puruṣārtha kiyā to ekadam ho gayā. usameṁ saṁskār bīcameṁ lānekī jarūrat nahīṁ paḍatī. mūl svabhāv, jñāyak svabhāv, apanā svabhāv hī kāraṇarūp banatā hai. phir pariṇatike saṁskār karanekā bīcameṁ koī avakāś hī nahīṁ hai. jisakā tīvra puruṣārtha utpanna ho, use kahīṁ bīcameṁ saṁskārakī jarūrat hī nahīṁ hotī, dravya hī usakā kāraṇ banatā hai.

mumukṣuḥ- us apekṣā-se svabhāvako saṁskār nirrathak karanevālā kahā.

< Previous Page Next Page >