140 hai. apane puruṣārthakī kṣatike kāraṇ kar nahīṁ sakatā hai. ruci usakī, lagan usakī, mahimā usakī sab usakā ho, bāraṁbār usakā abhyās kare to ho sake aisā hai.
mitajñān aur śrutajñān-se nirṇay kiyā ki maiṁ ātmā yahī hūn̐ aur anya kuch maiṁ nahīṁ hū̃n. maiṁ ātmā caitanya, jitanā jñānasvabhāv hai vahī maiṁ hūn̐, anya kuch maiṁ nahīṁ hū̃n. caitanyakā lakṣaṇ jñāyak hai. vah jñāyak lakṣaṇ aisā koī asādhāraṇ lakṣaṇ hai ki jo lakṣaṇ dūsare dravyameṁ nahīṁ hai. aisā usakā asādhāraṇ lakṣaṇ jñāyak lakṣaṇ hai. us lakṣaṇ-se use pahacānanā ki jo jñānasvabhāv hai vahī maiṁ hū̃n. dūsarā jo vibhāv lakṣaṇ hai vah lakṣaṇ caitanyakā nahīṁ hai. vah to vibhāvakā, par nimittakā lakṣaṇ hai. koī jaḍ padārtha yā koī arūpī padārtha, ātmā arūpī hone par bhī usakā jñānalakṣaṇ koī asādhāraṇ lakṣaṇ hai. vah asādhāraṇ lakṣaṇ-se pahacānā jāy aisā hai. us lakṣaṇ- se use pīchānanā.
jñāyakake andar ananta guṇ bhare haiṁ aur ananta mahimāvaṁt jñāyak anupam tattva hai aur usameṁ apūrva ānanda bharā hai. use pahacānanā aur nakkī karanā ki ye jo jñāyak hai vahī maiṁ hū̃n. anya koī vastu maiṁ nahīṁ hū̃n. ye parapadārtha jo bāhyameṁ dikhe vah bhī maiṁ nahīṁ hūn̐, andar jo vibhāv dikhate haiṁ vah bhī maiṁ nahīṁ hūn̐, anek prakārake vikalpa ho vah bhī apanā svarūp nahīṁ hai. svayaṁ akhaṇḍa caitanya jñāyak svabhāv hai vahī maiṁ hū̃n. usameṁ jo adhūrī paryāy yā pūrṇa paryāy ho, vah paryāy jitanā bhī ātmā nahīṁ hai. paryāy, śuddhātmākī paryāy usameṁ śuddha paryāy ho, to bhī usakā akhaṇḍa lakṣaṇ to ek jñāyak lakṣaṇ hai. usakā vah pūrṇa lakṣaṇ hai, us lakṣaṇ-se use pīchānanā.
sādhanākī paryāyeṁ pragaṭ ho, usameṁ jo pūrṇa paryāy pragaṭ ho, vah sab usakī sādhanāmeṁ paryāyeṁ pragaṭ hotī haiṁ. parantu use jñāyak lakṣaṇ-se pahacānanā. use pīchānakar usakī dr̥ḍh pratīt karanī, usakā jñān karanā, usameṁ līnatā karanī. to usameṁ-se use svānubhūti pragaṭ ho, ānanda pragaṭ ho, sab usameṁ pragaṭ hotā hai. aur usameṁ āge baḍhate-baḍhate ratnatray darśan, jñān, cāritrakī prāpti hone-se usameṁ hī sādhanā abhyās, usakī sādhanā karane-se kevalajñānakī prāpti hotī hai.
parantu prāraṁbhameṁ use nakkī karanā ki jo jñāyak lakṣaṇ, jñāyak hai vahī maiṁ hū̃n. anya kuch maiṁ nahīṁ hū̃n. bāraṁbār usīkā abhyās karane jaisā hai ki jo jñāyak hai vah maiṁ hū̃n. aisā vikalpa-se nakkī kiyā, pahale vah vikalpa-se hotā hai, parantu use aṁtarameṁ- se maiṁ jñāyak hūn̐, aisā sahajarūp-se maiṁ jñāyak hūn̐, aisī aṁtarameṁ-se pratīt huyī aur usakā bhedajñān bāraṁbār usakā abhyās karatā rahe, phir usameṁ sahajatā hone par nirvikalpa daśā muktikā mārga pragaṭ hotā hai. muktikā mārga hī vah hai.